15 May, 2020 05:33 PM IST | Mumbai | Gujarati Mid-day Correspondent
અક્ષયકુમાર સાથે ‘અતરંગી રે’માં કામ કરનારી સારા અલી ખાનને હવે હૃતિક રોશન સાથે પણ કામ કરવું છે. નવાઈની વાત એ છે કે અક્ષયકુમાર અને હૃતિક રોશન બન્ને એક જ અપાર્ટમેન્ટમાં રહે છે. સારા અલી ખાન તેની ફિલ્મો અને બિન્દાસ ઍટિટ્યુડને કારણે ખૂબ જ જલદી લોકપ્રિય બની ગઈ છે. તેણે અનન્યા પાન્ડે અને જાહ્નવી કપૂરને પણ પાછળ છોડી દીધી છે. હૃતિક રોશન સાથે કામ કરવા વિશે પૂછતાં સારાએ કહ્યું હતું કે ‘મને હૃતિક રોશન સર સાથે કામ કરવું ભવિષ્યમાં ગમશે. તેમની ‘ધૂમ 2’ અને ‘જોધા અકબર’માંથી હું એક જ ફિલ્મને પસંદ ન કરી શકું. આ ફિલ્મોમાં તેઓ ખૂબ જ અલગ અંદાજમાં જોવા મળ્યા હતા.
બાળપણના ક્રશ વિશે પૂછતાં સારાએ કહ્યું હતું કે ‘મને ‘ધૂમ 2’ના હૃતિક સર અને ‘કભી ખુશી કભી ગમ’ની કરીના કપૂર ખાન પર ક્રશ હતો. હું એ બન્નેને મારા ક્રશ તરીકે પસંદ કરીશ.’