15 November, 2019 03:06 PM IST | Mumbai
અભિષેકે પાપાને લખ્યો પત્ર...
બોલીવુડના મહાનાયક અમિતાભ બચ્ચન ઘણીવાર પોતાના પરિવાર સાથે જોડાયેલા કિસ્સાઓ ચાહકો સાથે શેર કરતા રહે છે. આ વાતને દરેક લોકો જાણે છે કે અમિતાભ બચ્ચન પોતાના પરિવારથી ઘણા નજીક છે. હાલમાં જ અભિષેક બચ્ચનનો એક ક્યૂટ લેટર સામે આવ્યો છે. જે બાળપણમાં તેણે પિતા માટે લખ્યો હતો.
હાલમાં જ અમિતાભ બચ્ચને પોતાના ઑફિશિયલ ટ્વિટર અકાઉન્ટ પરથી એક પોસ્ટ શેર કરી છે જેમાં તેમણે પોતાના દિકરાએ લખેલો એક ઈમોશનલ લેટર પણ શેર કર્યો છે. આ પોસ્ટ સાથે બિગ બી લખે છે કે, અભિષેકે આ લેટર જ્યારે હું પોતાના લાંબા શેડ્યૂલના કારણે દૂર રહેતો હતો ત્યારે લખ્યો હતો.
બિગ બીએ શેર કરેલા આ લેટરમાં અભિષેક માસૂમ અને ઈમોશનલ લાગી રહ્યા છે. અભિષેકે લેટરમાં લખ્યું છે કે ડાર્લિંગ પાપા, તમે કેમ છો, અમે બધા બરાબર છે. હું તમને ખૂબ જ યાદ કરું છું, પાપા તમે જલ્દી પાછા આવી જશું, હું તમારા સ્મિત માટે પ્રાર્થના કરું છું, પાપા ભગવાન આપણી દુઆ સાંભળી રહ્યા છે, તમે ચિંતા ન કરતા હું મમ્મીનો, શ્વેતા દીદીનું અને ઘરનું ધ્યાન રાખી રહ્યો છું, હું ક્યારેક ક્યારેક તોફાન કરું છું, આઈ લવ યૂ પાપા તમારો ડાર્લિંગ દિકરો અભિષેક.
આ પણ જુઓઃ Rahul Patel: હીરા કારીગરના ઘરે જન્મેલો આ ગુજરાતી આજે છે શબ્દોનો કારીગર
અભિષેકનો આ લેટર સોશિયલ મીડિયા પર વાયરલ થયો છે. હાલ બિગ બી સોની ટીવી પર પ્રસારિત થતા ગેમ શો કૌન બનેગા કરોડપતિમાં હોસ્ટ તરીકે નજર આવી રહ્યા છે. શોમાં મોકો મળતા જ તેઓ પોતાના બાળકો અને પરિવાર સાથે જોડાયેલા કિસ્સાઓ શેર કરતા રહે છે.