28 October, 2021 06:25 PM IST | Dubai | Gujarati Mid-day Correspondent
ભારતે પાકિસ્તાનની મહિલા ફુટબૉલ ટીમને ૧૮-૦થી કચડી નાખી
રવિવાર, ૨૪ ઑક્ટોબરે દુબઈમાં ભારત અને પાકિસ્તાન વચ્ચે ટી૨૦ વર્લ્ડ કપની મૅચ હતી એ જ દિવસે થાઇલૅન્ડમાં ભારત અને પાકિસ્તાનની મહિલા ફુટબૉલરો વચ્ચે એએફસી અન્ડર-19 ક્વૉલિફાઇંગ રાઉન્ડની રસપ્રદ મૅચ હતી જેમાં ભારતની મહિલા ટીમે પાકિસ્તાનની મહિલા ટીમને ૧૮-૦થી પરાસ્ત કરીને એને શરમજનક હાલતમાં મૂકી દીધી હતી.
ભારતીય ટીમે શરૂઆતથી છેક સુધી પાકિસ્તાની ટીમ પર પ્રભુત્વ જમાવ્યું હતું. ભારત વતી રેણુએ સૌથી વધુ પાંચ ગોલ (૫૨, ૫૪, ૭૫, ૮૫, ૯૦મી મિનિટમાં) કર્યા હતા. ત્રણ ગોલ મનીષા (૨, ૨૫, ૪૭મી મિનિટમાં) કર્યા હતા. અન્ય છ ખેલાડીઓમાં કોઈએ એક તો કોઈએ બે ગોલ કર્યા હતા. ભારતના ગોલપોસ્ટમાં એક ગોલ (ઑન ગોલ) પાકિસ્તાની ખેલાડી એમન ફૈયાઝથી થઈ ગયો હતો. હાફ ટાઇમ વખતે ભારત ૯-૦થી આગળ હતું. ફિફાએ સાડાત્રણ વર્ષનું જે સસ્પેન્શન મૂક્યું એ પૂરું કરીને પાકિસ્તાની ટીમ ફરી રમવા આવી હતી અને એણે નામોશી જોવી પડી.