15 January, 2025 03:44 PM IST | New Delhi | Gujarati Mid-day Correspondent
પહેલી વાર ભારતની કોઈ નૅશનલ ટીમની જર્સી પર ‘ઇન્ડિયા’ના સ્થાને ‘ભારત’ લખ્યું છે.
દિલ્હીમાં શરૂ થયેલા ખો-ખો વર્લ્ડ કપમાં રોમાંચક મૅચો જોવા મળી રહી છે. પહેલવહેલા ખો-ખો વર્લ્ડ કપમાં ભારતની મેન્સ અને વિમેન્સ ટીમે જીત સાથે પોતાના અભિયાનની શરૂઆત કરી છે. પહેલા દિવસે નેપાલ સામે ૪૨-૩૭ના સ્કોરથી વર્લ્ડ કપની પહેલી મૅચ જીતનાર ભારતીય મેન્સ ટીમે ગઈ કાલે બ્રાઝિલ સામે ૬૪-૩૪થી જીત મેળવી છે.
ભારતીય વિમેન્સ ટીમે ગઈ કાલે ખો-ખો વર્લ્ડ કપની પોતાની પહેલી મૅચમાં સાઉથ કોરિયા સામે ૧૭૫-૧૮થી શાનદાર જીત મેળવી છે. ભારતીય વિમેન્સ ટીમે ૧૫૭ અંક વધુથી મૅચની મોટી જીત નોંધાવી છે.