આજે ફુટબૉલ વર્લ્ડ કપમાં ત્રીજા નંબરે રહેવા ઇંગ્લૅન્ડ- ફ્રાન્સ વચ્ચે ટક્કર

આજે ફુટબૉલ વર્લ્ડ કપમાં ત્રીજા નંબરે રહેવા ઇંગ્લૅન્ડ- ફ્રાન્સ વચ્ચે ટક્કર

અમેરિકાના માયામી સ્ટેડિયમમાં ભારતીય સમય અનુસાર ૧૯ જુલાઈની શરૂઆતમાં ૨.૩૦ વાગ્યે ફુટબૉલ વર્લ્ડ કપની ત્રીજા ક્રમ માટેની મૅચ રમાશે. સેમી-ફાઇનલમાં સ્પેન સામે હારનાર ફ્રાન્સ અને આર્જેન્ટિના સામે હારનાર ઇંગ્લૅન્ડ આ મૅચ જીતીને ઘરવાપસી કરવાનો ટાર્ગેટ રાખશે. 

ફ્રાન્સ ચોથી વખત થર્ડ પ્લેસ માટેની મૅચ રમવાની તૈયારી કરી રહ્યું છે. ફ્રાન્સ અગાઉ ૧૯૫૮માં જર્મની અને ૧૯૮૬માં બેલ્જિયમ સામે ત્રીજા ક્રમ માટેની મૅચ જીત્યું હતું, જ્યારે ૧૯૮૨માં પોલૅન્ડ સામે હારી ગયું હતું. ઇંગ્લેન્ડ ત્રીજી વખત ત્રીજા ક્રમ માટેની મૅચ રમશે. એ અગાઉ ૧૯૯૦માં ઇટલી અને ૨૦૧૮માં બેલ્જિયમ સામે થર્ડ પ્લેસ માટેની મૅચ હારી ગયું હતું.

ઇંગ્લૅન્ડ અને ફ્રાન્સ અત્યાર સુધી ૩૨ વખત એકબીજા સામે ટકરાયાં છે. ઇંગ્લૅન્ડ ૧૭ વખત અને ફ્રાન્સ ૧૦ વખત જીત્યું છે જ્યારે પાંચ મૅચ ડ્રૉ રહી હતી. વર્લ્ડ કપમાં આ બન્ને ટીમની ત્રણ ટક્કર થઈ છે. ૧૯૯૭માં ઇંગ્લૅન્ડે ગ્રુપ-સ્ટેજમાં મૅચ ૨-૦થી જીત નોંધાવી હતી. ૧૯૮૨માં ઇંગ્લૅન્ડે ૩-૧થી જીત મેળવી હતી. છેલ્લે બન્નેની ટક્કર ૨૦૨૨ના વર્લ્ડ કપમાં થઈ હતી જેમાં ફ્રાન્સે ૨-૧થી જીત મેળવી હતી.