29 September, 2019 09:23 AM IST | નવી દિલ્હી
ઝાહીર ખાન
ભારતના ભૂતપૂર્વ ફાસ્ટ બોલર ઝહીર ખાને વિરાટ કોહલીની સરખામણી સૌરવ ગાંગુલી સાથે કરી છે. ગાંગુલી અને કોહલી બન્ને સાથે રમી ચૂકેલા ઝહીર ખાનના મતે કોહલીમાં સૌરવ જેવી ઘણી સમાન વાત છે. બન્ને પ્લેયરોની સરખામણી કરતાં ઝહીરે કહ્યું કે ‘સૌરવે અમારામાં એક આત્મવિશ્વાસ જગાવ્યો કે અમે વિદેશી ધરતી પર જીતી શકીયે છીએ. સૌરવ ઘણો અગ્રેસિવ હતો અને બોલ્ડ નિર્ણય લેતો હતો. કોહલી પણ એવો જ છે. તે પોતાની ટીમને દરેક પરિસ્થિતિ માટે તૈયાર કરે છે. આ બન્નેની સામે ધોની ઘણો શાંત સ્વભાવનો કૅપ્ટન છે. ધોની શાંત છે પણ તેની ગેમમાં અગ્રેશન છે.’
આ પણ જુઓઃ ફાલ્ગુની પાઠકથી લઈ અતુલ પુરોહિત સુધી, આ ગરબા ગાયકો છે નવરાત્રીની શાન..
ફાસ્ટ બોલરોના સંદર્ભમાં વાત કરતાં ઝહીરે કહ્યું કે ‘આજની તારીખમાં જસપ્રીત બુમરાહ, મોહમ્મદ શમી અને ઈશાંત શર્મા જેવા ફાસ્ટ બૉલરો માટે ઘણી સારી તકો છે. મારા ખ્યાલથી આવનારા દિવસોમાં ફાસ્ટ બોલરો માટે ટીમ ઇન્ડિયાને કોઈ ચિંતા કરવાની રહેશે નહીં.’