09 January, 2020 02:13 PM IST | Indore
વિરાટ કોહલી
ટીમ ઇન્ડિયા ચાલુ વર્ષના અંતમાં ટી૨૦ વર્લ્ડ કપ રમવાની છે. આ વર્લ્ડ કપમાં પોતાના બેસ્ટ પ્લેયરને ઉતારવા માટે દરેક ટીમ પૂરતા પ્રયાસ કરી રહી છે. એવામાં આ વર્લ્ડ કપને ધ્યાનમાં રાખીને કોહલીએ એક સરપ્રાઇઝ આપવાની વાત કહી છે.
સરપ્રાઇઝ શું છે એ તો નથી ખબર, પણ એ સરપ્રાઇઝની હિન્ટ આપતાં કોહલીએ કહ્યું કે ‘તમારે એ પ્લેયરને ઓળખી કાઢવાનો છે જેની બોલિંગ સ્કીલ ઘણી સારી અને લગભગ એકસરખી છે. બસ, એમાંથી જે સિનિયર હોય તેને સિલેક્ટ કરી લો. મારા ખ્યાલથી એ પ્લેયર વર્લ્ડ કપ ટી૨૦માં ટીમ ઇન્ડિયા માટે એક સરપ્રાઇઝ પૅકેજ હશે. આ એવો પ્લેયર છે જેની બોલિંગમાં પેસ અને બાઉન્સ બન્ને છે.’
કોહલીની આ હિન્ટને સમજીએ તો તેનો ઇશારો ડોમેસ્ટિક ક્રિકેટ રમતા કર્ણાટક પ્લેયર પ્રસિદ્ધ ક્રિષ્ના તરફ જાય છે, જે આઇપીએલમાં આ વખતે કલકત્તા નાઇટ રાઇડર્સ તરફથી રમવાનો છે. ડોમેસ્ટિક ક્રિકેટમાં તે એક સફળ બોલર રહ્યો છે. આઇપીએલની ૧૮ મૅચમાં તે ૨૯ની સ્ટ્રાઇક-રેટથી ૧૪ વિકેટ લઈ ચૂક્યો છે. પ્રસિદ્ધે અત્યાર સુધી છ ફર્સ્ટ ક્લાસ ક્રિકેટ અને ૪૧ લિસ્ટ-એ મૅચ રમી છે જેમાં અનુક્રમે ૨૦ અને ૬૭ વિકેટ લીધી છે.