સૂર્યકુમાર-ઇશાને ‘પુષ્પા-ધ રાઇઝ’ ફિલ્મના સૉન્ગ પર કર્યો ડાન્સ

‘પુષ્પા-ધ રાઇઝ’ ફિલ્મનું જાવેદ અલીએ ગાયેલું ‘તેરી ઝલક અશરફી... શ્રીવલ્લી... નૈના મદક બરફી’ સુપરહીટ સૉન્ગ દેશ-વિદેશમાં ખૂબ લોકપ્રિય થયું છે

સૂર્યકુમાર-ઇશાન

દક્ષિણ ભારતના સુપરસ્ટાર અલ્લુ અર્જુનની ‘પુષ્પા-ધ રાઇઝ’ ફિલ્મનું જાવેદ અલીએ ગાયેલું ‘તેરી ઝલક અશરફી... શ્રીવલ્લી... નૈના મદક બરફી’ સુપરહીટ સૉન્ગ દેશ-વિદેશમાં ખૂબ લોકપ્રિય થયું છે અને એના પર સાઉથ આફ્રિકાથી ભારતીય ક્રિકેટરો સૂર્યકુમાર યાદવ તથા ઇશાન કિશને ડાન્સ-સ્ટેપ્સની નકલ કરીને એનો વિડિયો પોસ્ટ કર્યો છે. હોટેલની લૉબીમાં પહેલાં તો સૂર્યકુમાર એકલો વિડિયોમાં જોવા મળ્યો હતો, પણ પછીથી ઇશાન અંદરના રૂમમાંથી આવીને તેની સાથે જોડાયો હતો. સૂર્યકુમારે વિડિયો પોસ્ટ કરવાની સાથે લખ્યું છે ‘મેરી અપની પુષ્પા કે સાથ.’
થોડા દિવસ પહેલાં રવીન્દ્ર જાડેજા અને શિખર ધવને પણ અલ્લુ અર્જુનના આ પાત્રના લુક તથા ડાયલૉગ્સની નકલ કરીને સોશ્યલ મીડિયા પર લાખો ચાહકોનાં દિલ જીતી લીધાં હતાં.