09 September, 2019 09:22 AM IST | મેન્ચેસ્ટર
સ્ટિવ સ્મિથ
ઑસ્ટ્રેલિયાના ઇન-ફૉર્મ બૅટ્સમૅન સ્ટીવન સ્મિથને ગર્વ છે કે તેણે ૯૨ બૉલમાં ૮૨ રન ત્યારે બનાવ્યા જ્યારે ટીમને સખત જરૂર હતી. ઑસ્ટ્રેલિયાએ ૧૯૬ રનની લીડ લીધા પછી સેકન્ડ ઇનિંગ્સમાં ૪૪ રનમાં ૪ વિકેટ ગુમાવી દીધી હતી. ત્યાર બાદ સ્મિથે મૅથ્યુ વેડ સાથે ૧૦૫ રનની કીમતી પાર્ટનરશિપ કરી હતી.
સ્મિથે ચોથા દિવસની રમત પછી રિપોર્ટરોને કહ્યું હતું કે ‘ટીમ જ્યારે મુશ્કેલીમાં હોય ત્યારે અનુભવી પ્લેયરો ઘણા કામ આવે છે. હવે મેં ઘણું ક્રિકેટ રમી લીધું છે એથી મને ટફ સિચુએશનમાં ટીમને હૅન્ડલ કરવાની મજા આવે છે. ઇંગ્લૅન્ડના બોલરો સારી લેન્ગ્થ પર બોલિંગ કરી રહ્યા હતા ત્યારે મારા પહેલા ૨૦-૩૦ રન ઘણા કીમતી હતા. પૅટ કમિન્સે રોરી બર્ન્સ અને જો રૂટને સતત બે બૉલમાં આઉટ કરીને શાનદાર શરૂઆત કરાવી હતી.’
આ પણ વાંચોઃ ઓલરાઉન્ડર 'સર રવિન્દ્ર જાડેજા' નો આવો છે અંદાજ, જુઓ તસવીરો.....