સ્લમ વિસ્તારમાં રહેતા લોકોની મદદ માટે આગળ આવ્યો સચિન

સ્લમ વિસ્તારમાં રહેતા લોકોની મદદ માટે આગળ આવ્યો સચિન

સચિન તેન્ડુલકર

કોરોનાકાળમાં ગરીબ અને ઝૂંપડપટ્ટી વિસ્તારમાં રહેતા લોકોની મદદ માટે સચિન તેન્ડુલકર આગળ આવ્યો છે. બાંદરા-ઈસ્ટમાં આવેલી સેન્ટર ફૉર ધ સ્ટડી ઑફ સોશ્યલ ચેન્જ (સીએસએસસી) સાથે સચિન જોડાયો છે. બાંદરા-ઈસ્ટમાં આવેલા ૧૨૫૦ ગરીબ પરિવારોને કોઈ પણ પ્રકારની અછત ન પડે એ માટે સચિન આગળ આવ્યો છે. આ ગરીબ પરિવારને ચોખા, ઘઉં, તુવેરદાળ, સાકર, ચા, મીઠું-મસાલા, નાહવાના તથા કપડાં ધોવાના સાબુ જેવા પદાર્થો આપવામાં આવ્યા હતા. સીએસએસસીની ટીમ આ કિટના વિતરણનું કામ સંભાળી રહી છે. દૈનિક આવક પર જીવનારા લોકો માટે આ સુવિધા ઉપલબ્ધ કરાવવામાં આવી છે. સીએસએસસીના વડાએ આ મદદ માટે સચિન તેન્ડુલકરનો આભાર માન્યો હતો. આ પહેલાં પણ સચિને ગોવંડીમાં ગરીબ પરિવારોને મદદ પહોંચાડી હતી.