03 December, 2020 02:17 PM IST | Wellington | Gujarati Mid-day Correspondent
તસવીર સૌજન્ય: ટ્વીટર
ન્યુ ઝીલૅન્ડ સરકારે ગઈ કાલે સ્પષ્ટતા કરી જણાવ્યું હતું કે પાકિસ્તાન ક્રિકેટ ટીમનો વધુ એક પ્લેયર કોરોના પૉઝિટિવ થયો છે, જેને લીધે કોરોના પૉઝિટિવ થનારા કુલ પાકિસ્તાની પ્લેયરોની સંખ્યા આઠ થઈ છે. આ પ્લેયરને અગાઉના સાત કોરોના પૉઝિટિવ પ્લેયર સાથે ક્વૉરન્ટીન કરવામાં આવ્યો છે.
ન્યુ ઝીલૅન્ડના સ્વાસ્થ્ય મંત્રાલયે જણાવ્યું કે ‘ન્યુ ઝીલૅન્ડમાં આઇસોલેશનમાં રહેલા પ્લેયરોમાં વધુ એક કોરોનાનો કેસ જોવા મળ્યો છે. આ નવો કમ્યુનિટી કેસ નથી. ગઈ કાલે પાકિસ્તાન ક્રિકેટ ટીમની કરવામાં આવેલી તપાસમાં જોવા મળેલા ત્રણ કેસમાંનો આ એક કેસ છે જે કોરોના પૉઝિટિવ છે. બાકીની બે હસ્તીઓ તપાસ હેઠળ છે.’