25 June, 2020 11:29 AM IST | Mumbai | Agencies
વિરાટ કોહલી
વિરાટ કોહલીનું કહેવું છે કે વાઇટ કપડાંમાં ઇન્ટેન્સ ગેમ રમવાથી વધુ કંઈ નથી. દુનિયાભરમાં ટેસ્ટ ક્રિકેટને ખૂબ જ મહત્વ આપવામાં આવે છે અને કોહલીને પણ ગર્વ છે કે તે પોતાના દેશ માટે ટેસ્ટમાં રમી રહ્યો છે. કોહલી ભારત માટે અત્યાર સુધી ૮૬ ટેસ્ટ રમી ચૂક્યો છે અને આઇસીસી ટેસ્ટ રેન્કિંગમાં તે બીજા ક્રમે છે. આ ટેસ્ટમાં તેણે ૭૨૪૦ રન કર્યાં છે જેમાં ૨૭ સેન્ચુરી અને ૨૨ હાફ-સેન્ચુરીનો સમાવેશ થાય છે. આ પૂર્વે સુનીલ ગાવસ્કર જેવા દિગ્ગજ ખેલાડીએ કોહલીની ગેમની પ્રશંસા કરી હતી. આ વિશે ઇન્સ્ટાગ્રામ પોસ્ટમાં કોહલીએ કહ્યું કે ‘વાઇટ કપડામાં ઇન્ટેન્સ ગેમ રમવાની તોલે કંઈ નહીં આવી શકે. ઇન્ડિયા માટે ટેસ્ટ ક્રિકેટ રમવી મારા માટે આશીર્વાદસમું છે.’