21 September, 2022 12:37 PM IST | New Delhi | Gujarati Mid-day Correspondent
માર્ટિન ગપ્ટિલ
ન્યુ ઝીલૅન્ડનો ઓપનિંગ બૅટર ૨૦૦૯ની સાલથી ટી૨૦ ઇન્ટરનૅશનલ રમે છે અને ત્યારથી માંડીને અત્યાર સુધી રમાયેલા તમામ ૬ ટી૨૦ વર્લ્ડ કપમાં તે રમી ચૂક્યો છે. હવે આવતા મહિને તે વિક્રમજનક સાતમો ટી૨૦ વિશ્વકપ રમવાનો છે. કેન વિલિયમસનના સુકાનમાં ગઈ કાલે જાહેર કરાયેલી વર્લ્ડ કપની ટીમ આ મુજબ છે : કેન વિલિયમસન (કૅપ્ટન), માર્ટિન ગપ્ટિલ, ગ્લેન ફિલિપ્સ, ડેરિલ મિચલ, ટિમ સાઉધી, ઈશ સોઢી, મિચલ સૅન્ટનર, જિમી નીશામ, ઍડમ મિલ્ન, લૅકલન ફર્ગ્યુસન, ડેવોન કૉન્વે, માર્ક ચૅપમૅન, માઇકલ બ્રેસવેલ, ફિન ઍલન અને ટ્રેન્ટ બોલ્ટ.
ઉત્તર પ્રદેશના સહરાનપુરમાં થોડા દિવસ પહેલાં એક સ્પોર્ટ્સ કૉમ્પ્લેક્સમાં ઍથ્લીટ્સ-ખેલાડીઓ માટેના ભોજનની વાનગીઓ ટૉઇલેટમાં રાખવામાં આવી હતી અને પછી પ્લેયર્સને પીરસવામાં આવી હતી એ ઘટના સાથે સંકળાયેલા ડિસ્ટ્રિક્ટ સ્પોર્ટ્સ ઑફિસર અનિમેશ સક્સેનાને તાબડતોબ સસ્પેન્ડ કરવામાં આવ્યા છે અને યોગી સરકારે આ બનાવમાં તપાસ શરૂ કરાવી છે.