19 August, 2020 03:54 PM IST | Mumbai | Gujarati Mid-day Online Correspondent
નતાશા સ્ટેનકોવિક, હાર્દિક પંડ્યા
હાર્દિક પંડ્યા (Hardik Pandya) અને તેની પત્ની એક્ટ્રેસ નતાશા સ્ટેનકોવિક ( Natasha Stankovic) હંમેશા ચર્ચામાં રહે છે. 30 જુલાઈએ જ તેમના ઘરે દિકરો જન્મયો છે. IPL 2020 માટે રવાના થયેલા હાર્દિક પંડ્યાને યાદ કરતા નતાશાએ એક રોમેન્ટિક ફોટો શૅર કર્યો હતો.
જોકે આ ફોટો ઈન્સ્ટાગ્રામે (Instagram) ડિલિટ કરતા તેણે નારાજગી વ્યક્ત કરી છે. ઈન્સ્ટાગ્રામે કમ્યુનિટી ગાઈડલાઈન્સનો ઉલ્લંઘન કરવાનું કારણ આગળ ધરતા તેનો સ્ક્રીનશોટ પાડીને નતાશાએ તેની ઈન્સ્ટાગ્રામ સ્ટોરીમાં મૂક્યો છે.
જેમાં લખ્યું છે કે, તમારી પોસ્ટ અમારી કમ્યુનિટી ગાઈડલાઈન્સની વિરુદ્ધ છે. અમે આ ગાઈડલાઈન્સ અમારી કમ્યુનિટીને સપોર્ટ કરવા અને સુરક્ષિત રાખવા માટે બનાવી છે. આ પોસ્ટ ખોટી અને નુકસાનકારક હોવાથી અમે તેને ડિલિટ કરી છે.
ફોટો ડિલિટ થતા નતાશા ખૂબ જ નારાજ હતી. તેણે રિપ્લાય આપ્યો કે “Seriously @instagram?” જોકે આ ડિલિટ થયેલો ફોટો તેણે ફરી ઈન્સ્ટાગ્રામ ઉપર મૂકતા તે હજી ડિલિટ થયો નથી.
હાર્દિક પંડ્યા અને નતાશા સ્ટેનકોવિક જ્યારથી માતા-પિતા બન્યાં છે ત્યારથી સોશ્યલ મીડિયા પર સતત તેમની અને બાળક સાથેની તસવીરો પોસ્ટ કરતાં હોય છે.