નાગદેવી ક્રિકેટ લીગ ટી૨૦માં ટીયુવીએક્સ તૂફાની ચૅમ્પિયન

ટીયુવીએક્સે બૅટિંગ મળ્યા પછી ફક્ત ૪ વિકેટના ભોગે ૧૩૬ રન બનાવ્યા હતા

પ્રતીકાત્મક તસવીર

નાગદેવી બજારના વેપારીભાઈઓ વચ્ચે વિદ્યાવિહારના ફાતિમા ગ્રાઉન્ડ પર એન.એસ.જી.ના બૅનર હેઠળ રમાયેલી ટી૨૦ ટુર્નામેન્ટની એક્સાઇટિંગ ફાઇનલમાં ટીયુવીએક્સ તૂફાની 
નામની ટીમે તૂફાની પર્ફોર્મન્સથી એચઈ વૉરિયર્સ ઇલેવનને ૩ રનથી હરાવીને ટ્રોફી જીતી લીધી હતી. ટીયુવીએક્સે બૅટિંગ મળ્યા પછી ફક્ત ૪ વિકેટના ભોગે ૧૩૬ રન બનાવ્યા હતા. એચઈ વૉરિયર્સની ટીમ ૨૦ ઓવરમાં ૯ વિકેટે ૧૩૩ રન બનાવી શકી હતી જેમાં એક્સ્ટ્રાના ૨૦ રન હતા. નીરવ શાહ (અણનમ ૫૯, ૫૦ બૉલ, એક સિક્સર, પાંચ ફોર)નું યોગદાન એળે ગયું હતું. ટીયુવીએક્સની ઇનિંગ્સમાં ૨૬ રન બનાવનાર પ્રિન્સ દોશીએ એચઈની ૨૮ રનમાં ત્રણ વિકેટ લીધી હતી. ટીયુવીએક્સના વત્સલ દોશી (૨૦ બૉલમાં ૨૪ રન અને ૨૩ રનમાં બે વિકેટ)ને મૅન ઑફ ધ ફાઇનલનો અવૉર્ડ અપાયો હતો.