26 January, 2021 01:31 PM IST | Mumbai | Dinesh Savaliya
તસવીર: નિમેશ દવે
ફાઇનલ મુકાબલો ભારે રોમાંચક રહેવાની અપેક્ષા: ચરોતર રૂખી સૌથી વધુ ચાર વાર વિજેતા બની છે, જ્યારે કચ્છી કડવા પાટીદાર છેલ્લાં ત્રણ વર્ષથી આ ટ્રોફી જીતી રહી છે: બન્ને ટીમ ક્યારેય ફાઇનલમાં હારી નથી, પણ આજે એકનો વિજયરથ અટકી જશે
મિડ-ડે કપ ૨૦૨૦ની ૧૩મી સીઝનની આજે ડ્રીમ ફાઇનલ ટક્કર જામશે. આ સીઝનની જ નહીં, પણ ટુર્નામેન્ટના ઇતિહાસની બે સૌથી સફળ ટીમો વચ્ચે આજે મુકાબલો જામવાનો છે. ચરોતર રૂખી આજે પાંચમી વાર ફાઇનલમાં રમશે, જ્યારે કચ્છી કડવા પાટીદાર ચોથી વખત. બન્ને ટીમનો રેકોર્ડ છે કે એ ક્યારેય ફાઇનલમાં હારી નથી. ફાઇનલમાં પ્રવેશ કર્યા પછી ટ્રોફી લઈને જ ઘરે ગઈ છે, પણ આજે ફાઇનલમાં અજેયનો એ રેકૉર્ડ બન્નેમાંથી કોઈ એકનો આજે તૂટશે. આ સીઝનમાં કચ્છી કડવા પાટીદાર એક પણ મૅચ હાર્યું નથી, જ્યારે ચરોતર રૂખીએ સેકન્ડ લીગ મૅચમાં કચ્છ-વાગડ લેઉવા પટેલ સામે ૪ વિકેટે પરાજય જોવો પડ્યો હતો.
રોડ ટુ ધ ફાઇનલ
કચ્છી કડવા પાટીદાર
લીગ રાઉન્ડ
- કચ્છી દશા ઓસવાળ જૈન સામે ૭૨ રનથી વિજય
- ભટ્ટ મેવાડા બ્રાહ્મણ સામે ૧૩ રનથી વિજય
- કપોળ સામે ૬ વિકેટે વિજય
પ્રી-ક્વૉર્ટર ફાઇનલ
- હાલાઈ લોહાણા સામે ૧૪ રનથી વિજય
ક્વૉર્ટર ફાઇનલ
- કચ્છી લોહાણા સામે ૧૬ રનથી વિજય
સેમી ફાઇનલ
- સૌરાષ્ટ્ર લેઉવા પટેલ સામે ૮ વિકેટે વિજય
રોડ ટુ ધ ફાઇનલ
ચરોતર રૂખી
લીગ રાઉન્ડ
- આંજણા ચૌધરી સામે ૪૪ રનથી વિજય
- કચ્છ-વાગડ લેઉવા પટેલ સામે ૪ વિકેટે પરાજય
- અડાઆઠમ દરજી સામે ૬ વિકેટે વિજય
પ્રી-ક્વૉર્ટર ફાઇનલ
- કચ્છી વીસા ઓસવાળ જૈન સામે ૯ વિકેટે વિજય
ક્વૉર્ટર ફાઇનલ
- નાથળિયા ઉનેવાળ બ્રાહ્મણ સામે ૮ વિકેટે વિજય
સેમી ફાઇનલ
- સૌરાષ્ટ્ર લેઉવા પટેલ સામે ૧૦ વિકેટે વિજય
બન્ને ટીમનો અત્યાર સુધીની ફાઇનલમાં પર્ફોમન્સ
કચ્છી કડવા પાટીદાર
૨૦૧૭: કચ્છી લોહાણા સામે ૧૪૪ રનથી વિજય
૨૦૧૮: કપોળ સામે ૨૨ રનથી વિજય
૨૦૧૯: કચ્છી લોહાણા સામે ૧૧૭ રનથી વિજય
પ્લેયર ટુ વૉચ
દિનેશ નાકરાણી, અલ્પેશ રામજિયાણી, વેદાંશ ધોળુ, ભાવિક ભગત અને
હીરેન રંગાણી
ચરોતર રૂખી
૨૦૧૧: હાલાઈ લોહાણા સામે ૮૨ રનથી વિજય
૨૦૧૨: હાલાઈ લોહાણા સામે ૧૦ વિકેટે વિજય
૨૦૧૩: કચ્છી લોહાણા સામે ૩૩ રનથી વિજય
૨૦૧૫: કચ્છી લોહાણા સામે ૯ વિકેટે વિજય
પ્લેયર ટુ વૉચ
જિતેશ પૂરબિયા, ધીરજ સોલંકી, સચિન સોલંકી, નીતિન પરમાર અને હર્ષદ રાજપૂત