03 February, 2026 09:28 PM IST | New Delhi | Gujarati Mid-day Online Correspondent
પ્રતિકાત્મક ફાઇલ તસવીર
T20 ક્રિકેટની લોકપ્રિયતા વધતાં દર્શકોને ટૅસ્ટ ક્રિકેટ મૅચ કંટાળાજનક લગતી હતી. રમતગમતના ચાહકોએ આ ફોર્મેટથી મોઢું ફેરવી લીધું હતું. પરંતુ ફરી એકવાર ટૅસ્ટ મૅચ પોતાના સારા દિવસો તરફ પાછા ફરશે એવા સમાચાર છે. નવા નિયમોને કારણે ટૅસ્ટ ક્રિકેટ પર ફરી એક વખત પ્રસિદ્ધિ મેળવશે તેવી શક્યતા છે. એટલું જ નહીં, વર્લ્ડ ટૅસ્ટ ચૅમ્પિયનશિપને કારણે સ્પર્ધા વધુ તીવ્ર બની છે. દરમિયાન, ક્રિકેટના નિયમો લાગુ કરતી મેલબોર્ન ક્રિકેટ ક્લબ (MCC) એ ટૅસ્ટ ક્રિકેટના નિયમોમાં કેટલાક ફેરફારો કર્યા છે. જેના કારણે ટૅસ્ટ ક્રિકેટ મૅચો વધુ રોમાંચક બની શકે છે. તેનું કારણ પણ એ જ છે. નવા ટૅસ્ટ ક્રિકેટ નિયમો મુજબ, જો ટૅસ્ટ ક્રિકેટ મૅચમાં દિવસના અંતે વિકેટ પડે તો રમત ત્યાં જ બંધ થઈ જતી હતી. પરંતુ હવે એવું નહીં થાય. આ નિયમ બદલવા જઈ રહ્યો છે. આનાથી બૅટિંગ ટીમનું ટેન્શન વધશે. તે બૉલિંગ ટીમને પણ મદદ કરશે.
મેલબોર્ન ક્રિકેટ ક્લબના નિયમ 12.5.2 મુજબ, જો ટૅસ્ટ મૅચમાં દિવસના અંતે વિકેટ પડે તો રમત બંધ નહીં થાય. પહેલાં, જો દિવસના અંતે છેલ્લી ઓવરના ત્રીજા બૉલ પર વિકેટ પડી જાય, તો મૅચ ત્યાં જ રોકી દેવામાં આવતી હતી. આનાથી બૅટિંગ ટીમને ફાયદો થતો હતો. બૅટ્સમેન બીજા દિવસે નક્કી કરેલી રણનીતિ મુજબ બૅટિંગ કરવા માટે મેદાનમાં ઉતરતો હતો. પરંતુ હવે એવું થશે નહીં. ACC નિયમો અનુસાર, જો છેલ્લી ઓવરમાં વિકેટ પડે તો પણ, તે દિવસના છેલ્લા બૉલ સુધી મૅચ રમાશે. આનાથી ફિલ્ડિંગ ટીમ મૅચ પર પોતાની પકડ મજબૂત કરી શકશે. તે વિરોધી ટીમ પર દબાણ લાવવામાં પણ મદદ કરશે.
MCC ના નવા નિયમો અનુસાર, મહિલા ક્રિકેટ અને જુનિયર ક્રિકેટ (અંડર 13) માં વપરાતા સિઝન બૉલમાં ફેરફાર થશે. અત્યાર સુધી, મહિલા ક્રિકેટમાં વપરાતા બૉલનું વજન 140 થી 151 ગ્રામની વચ્ચે હતું. તેનું કદ 21 થી 22.6 સેમી હતું. પરંતુ હવે નવા નિયમો અનુસાર, બૉલનું વજન 140 થી 149 ગ્રામ હશે. તેનું કદ 21.5 થી 22 સેમી હશે. જુનિયર ક્રિકેટ (અંડર 13) માં, બૉલનું વજન 133 થી 144 ગ્રામ હતું અને તેનું કદ 20.5 થી 22 સેમી હતું. પરંતુ આ નિયમ બદલાયો છે. હવે વજન 140 થી 144 ગ્રામ અને કદ 20.5 થી 21 સેમી રહેશે. MCC એ આજે 2026 માટે ક્રિકેટના નિયમોની નવી આવૃત્તિની જાહેરાત કરી છે, જે 1 ઑક્ટોબરથી અમલમાં આવશે. આ નવી આવૃત્તિ 2022 પછી પ્રકાશિત થનારી પહેલી છે.
