11 February, 2021 11:14 AM IST | Londo
ઇંગ્લૅન્ડના ભૂતપૂર્વ કૅપ્ટન નાસિર હુસેન
ઇંગ્લૅન્ડના ભૂતપૂર્વ કૅપ્ટન નાસિર હુસેન છેલ્લી ત્રણ ટેસ્ટમાં બે ડબલ સેન્ચુરી ફટકારનાર જો રૂટ પર ઓળઘોળ થઈ ગયા છે અને તેમને લાગે છે કે ઇંગ્લૅન્ડના બૅટ્સમેનોએ બનાવેલા તમામ રેકૉર્ડ તે તોડી નાખશે.
એક કૉલમમાં હુસેને લખ્યું છે કે ‘રૂટ ઇંગ્લૅન્ડના મહાન ખેલાડીઓમાંનો એક છે. તે કદાચ ઇંગ્લૅન્ડના બૅટ્સમેનોએ બનાવેલા તમામ રેકૉર્ડ તોડી નાખશે. તે સર ઍલેસ્ટર કૂકના સૌથી વધુ ૧૬૧ ટેસ્ટ રમવાનો અને સૌથી વધુ રનને પાર કરી દેશે. તે અત્યારે શાનદાર લયમાં છે. તે હજી ૩૦ વર્ષનો જ છે અને મેં રમતા જોયેલા ઇંગ્લૅન્ડના બેસ્ટ બૅટ્સમેનોનું લિસ્ટ બનાવું તો એમાં કૂક, ગ્રેહામ ગૂચ અને કેવિન પીટરસન સાથે રૂટ જરૂર હશે. એ બાબતે કોઈ શંકા નથી કે સ્પિન બોલરોનો સામનો કરવાને મામલે તે ઇંગ્લૅન્ડનો બેસ્ટ ખેલાડી છે.’