03 February, 2025 08:32 AM IST | New Delhi | Gujarati Mid-day Correspondent
દિલ્હીના ડ્રેસિંગ રૂમમાં કિંગ કોહલી પાસેથી બૉલ પર ઑટોગ્રાફ લીધો હિમાંશુ સાંગવાને.
દિલ્હીનો સ્ટાર બૅટર વિરાટ કોહલી રેલવેઝ સામે પોતાની ડોમેસ્ટિક ક્રિકેટની કમબૅક મૅચમાં ૧૫ બૉલમાં ૬ રનના સ્કોર પર આઉટ થયો હતો. તેને આઉટ કરનાર હિમાંશુ સાંગવાને એ જ બૉલ પર મૅચ બાદ કોહલીનો ઑટોગ્રાફ લીધો હતો. દિલ્હીના ડ્રેસિંગ રૂમમાં કોહલીએ તેની બોલિંગની પ્રશંસા કરી હતી. ૨૯ વર્ષના આ ફાસ્ટ બોલરે સોશ્યલ મીડિયા પર કહ્યું કે ‘કોહલીને કારણે જ હું ક્રિકેટ રમતો થયો. તે મારો આદર્શ છે. તેની વિકેટ મારી કરીઅરની યાદગાર વિકેટ છે.’
હિમાંશુએ પણ ઉલ્લેખ કર્યો કે આ ઘટનાને કારણે વિરાટ કોહલીના કેટલાક ફૅન્સ તેના અને તેની ફૅમિલી સાથે અસભ્ય વર્તન કરી રહ્યા છે.
