13 October, 2020 02:12 PM IST | Delhi | IANS
અનુષ્કા શર્મા - રાશિદ ખાન
દુનિયાના સૌથી પ્રખ્યાત સર્ચ-એન્જિન ગૂગલમાં ઘણી વાર કંઈક સર્ચ કરવા જતાં કંઈક અલગ જ જોવા મળે છે. હાલમાં પણ એવી જ એક ઘટના બની છે. અફઘાનિસ્તાનના ક્રિકેટર રાશિદ ખાનની પત્ની કોણ છે? આ સવાલ જો ગૂગલ પર સર્ચ કરીએ તો એના જવાબમાં અનુષ્કા શર્મા આવે છે. ગૂગલના મતે અનુષ્કા શર્મા રાશિદ ખાનની પત્ની છે. આ પ્રકારની ગેરસમજ થવાનું કારણ એ છે કે કેટલાક સમય પહેલાં સોશ્યલ મીડિયા પર એક યુઝરે રાશિદ ખાનને તેની ફેવરિટ ઍક્ટ્રેસ કોણ છે એ સવાલ પૂછ્યો હતો અને રાશિદે એ સવાલના જવાબમાં અનુષ્કા શર્મા અને પ્રીતિ ઝિન્ટાનું નામ લીધું હતું. આ ઉપરાંત જો ગૂગલ પર ઇડિયટ સર્ચ કરો તો અમેરિકાના રાષ્ટ્રપતિ ડોનલ્ડ ટ્રમ્પ સામે આવે છે.
ખરેખર તો અનુષ્કા શર્મા ભારતીય ટીમના કૅપ્ટન વિરાટ કોહલીની પત્ની છે અને હાલ પ્રેગ્નન્ટ છે. બીજી તરફ રાશિદ ખાન હજી કુંવારો છે અને તેણે કસમ ખાધી છે કે જ્યાં સુધી અફઘાનિસ્તાન વર્લ્ડ ચૅમ્પિયન નહીં બને ત્યાં સુધી સગાઈ કે લગ્ન નહીં કરે.