04 April, 2020 06:24 PM IST | Mumbai Desk
વિરાટ કોહલી
વિરાટ કોહલીનું નિકનેમ ચીકુ છે એ સૌ કોઈ જાણે છે. વિકેટની પાછળથી મહેન્દ્ર સિંહ ધોની પણ તેને ઘણી વાર ઑનફીલ્ડ આ નામથી બોલાવતો સાંભળવા મળ્યો છે. તેનું નામ ચીકુ કેવી રીતે પડ્યું એ વિશેનો રાઝ પણ વિરાટે જાહેર કર્યો છે. કેવિન પીટરસન સાથેના ચૅટ-સેશનમાં કોહલીએ કહ્યું કે ‘સ્ટમ્પ પાછળ રહીને માહીએ મને મારા નિકનેમથી બોલાવ્યો હતો. સ્ટમ્પ્સ માઇકમાં પણ રેકૉર્ડ થયું અને ઑનઍર થયું. ખરું કહું તો મને આ નિકનેમ મારા રણજી ટ્રોફીના કોચ પાસેથી મળ્યું. મારા ચિક્સ (ગાલ) પહેલાં ઘણા મોટા હતા. ૨૦૦૭માં મને લાગ્યું કે હું મારા વાળ ગુમાવી રહ્યો છું એટલે મેં મારા વાળ કપાવ્યા. વાળ કપાવ્યા બાદ જોયું તો મારા ગાલ અને કાન ઘણા મોટા દેખાવા લાગ્યા. મને આ નામ ચંપક નામની કૉમિક બુકમાં જે સસલાનું પાત્ર છે એના નામ પરથી મળ્યું છે.’
આ ઉપરાંત પીટરસને કોહલીના શરૂઆતના દિવસનો એક ફોટો પણ શૅર કર્યો હતો જેને જોઈને વિરાટ હસી પડ્યો હતો અને તેણે જૂના દિવસોની વાત વાગોળી હતી.