05 May, 2020 02:15 PM IST | Mumbai | Gujarati Mid-day Correspondent
સાઉથ આફ્રિકાના ટીમ પ્લેયર ફૅફ ડુ પ્લેસિસનું કહેવું છે કે હું એક નૅચરલ લીડર છું. તે સાઉથ આફ્રિકાની ટીમનું નેતૃત્વ કરે છે, પરંતુ તે હવે કૅપ્ટન ન પણ રહે એવા ચાન્સ છે. આ વિશે વાત કરતાં ફૅફ ડુ પ્લેસિસે કહ્યું હતું કે ‘મને કૅપ્ટન્સી પસંદ છે અને એ હું જે છું એનો જ એક પાર્ટ છે. હું ૧૩ વર્ષનો હતો ત્યારથી કૅપ્ટન છું. હું પોતાને હજી પણ એક પ્લેયર કરતાં પહેલાં લીડર તરીકે જોઉં છું અને એથી જ હું અન્ય કોઈ પણ વ્યક્તિ કરતાં એને વધુ એન્જૉય કરું છું. હું હંમેશાં કૅપ્ટન્સીને મિસ કરીશ, પરંતુ મારું માનવું છે કે મારા માટે એ સમય આવી ગયો છે જ્યાં હું હવે અન્ય યુવા પ્લેયર્સને લીડર્સ બનવા માટે મદદ કરું. મને લાગે છે કે અમારી સિસ્ટમમાં એની ઊણપ છે અને હું એને પૂરી કરીશ.’