30 April, 2020 12:49 PM IST | London
આયર્લેન્ડને 143 રનથી ઇંગ્લેન્ડે હરાવ્યું
ઇંગ્લેન્ડ અને આયર્લેન્ડ વચ્ચેની એક માત્ર ઐતિહાસિક ટેસ્ટ મેચમાં ભારે રોમાંચ બાદ ઇંગ્લેન્ડે 143 રનથી આયર્લેન્ડને હરાવ્યું હતું. ઇંગ્લેન્ડે આપેલા 182 રનના લક્ષ્યાંક સામે આયર્લેન્ડની ટીમ માત્ર 38 રનમાં જ ઓલઆઉટ થઇ ગઇ હતી. જોકે મેચમાં આયર્લેન્ડ ટીમે શરૂઆત શાનદાર કરી હતી. વર્લ્ડ ચેમ્પિયન બન્યાના 10 દિવસ બાદ જ આયર્લેન્ડ ટીમે ઇંગ્લેન્ડને પહેલી ઇનીંગમાં માત્ર 85 રનમાં જ ઓલ આઉટ કરીને ચોકાવી દીધું હતું. મેચમાં ઇંગ્લેન્ડના ક્રિસ વોક્સે 6 અને સ્ટુઅર્ટ બ્રોડે 4 વિકેટ ઝડપી હતી.
આયર્લેન્ડના 9 બેટ્સમેનો સિંગલ ડિજિટમાં આઉટ થઇ ગયા
આયર્લેન્ડના 9 બેસ્ટમેન સિંગલ ડિજિટમાં આઉટ થયા હતા. તેમાંથી 3 બેટ્સમેન શૂન્ય રને પેવેલિયન ભેગા થયા હતા. છેલ્લા 112 વર્ષમાં ઇંગ્લેન્ડની ટીમ પ્રથમ દાવમાં સૌથી ઓછા રને ઓલઆઉટ થયા પછી મેચ જીતનાર ટીમ બની છે. પ્રથમ દાવમાં તે 85 રનમાં ઓલઆઉટ થયું હતું. આ પહેલા 1907માં ઇંગ્લેન્ડની જ ટીમ દક્ષિણ આફ્રિકા સામે 76 રનમાં ઓલઆઉટ થયા પછી મેચ જીત્યું હતું.
ટેસ્ટ મેચમાં સૌથી ઓછા બોલમાં ઓલઆઉટ થનાર ટીમ:
75 : દક્ષિણ આફ્રિકા vs ઇંગ્લેન્ડ, એજબેસ્ટન 1924
94 : દક્ષિણ આફ્રિકા vs ઇંગ્લેન્ડ, પોર્ટ એલિઝાબેથ 1896
94 : ઇંગ્લેન્ડ vs ઓસ્ટ્રેલિયા, મેલબોર્ન 1902
94 : આયર્લેન્ડ vs ઇંગ્લેન્ડ, લોર્ડ્સ 2019
99 : ઓસ્ટ્રેલિયા vs ઇંગ્લેન્ડ, બ્રિસ્બેન 1936
આ પણ જુઓ : કોણ છે આ ગ્લેમરસ ચહેરો, મૅચ દરમિયાન થઈ રહ્યો છે ફૅમસ
પ્રથમ ઇનિંગ્સમાં સૌથી ઓછા સ્કોરમાં ઓલઆઉટ થયા પછી જીત:
45 : ઇંગ્લેન્ડ vs ઓસ્ટ્રેલિયા, સિડની 1886/87
63 : ઓસ્ટ્રેલિયા vs ઇંગ્લેન્ડ, ઓવલ 1882
75 : ઇંગ્લેન્ડ vs ઓસ્ટ્રેલિયા, મેલબોર્ન 1894/95
76 : ઇંગ્લેન્ડ vs દક્ષિણ આફ્રિકા, લીડ્સ 1907
85 : ઇંગ્લેન્ડ vs આયર્લેન્ડ, લોર્ડ્સ 2019*
આ પણ જુઓ : રવિન્દ્ર જાડેજાઃ 'સર'નો આવો છે રજવાડી અંદાજ
ટેસ્ટમાં સૌથી ઓછા સ્કોરમાં ઓલઆઉટ થનાર ટીમ:
26 : ન્યૂઝીલેન્ડ vs ઇંગ્લેન્ડ, ઓકલેન્ડ 1955
30 : દક્ષિણ આફ્રિકા vs ઇંગ્લેન્ડ, પોર્ટ એલિઝાબેથ 1896
30 : દક્ષિણ આફ્રિકા vs ઇંગ્લેન્ડ, એજબેસ્ટન 1924
35 : દક્ષિણ આફ્રિકા vs ઇંગ્લેન્ડ, કેપટાઉન 1899
36 : ઓસ્ટ્રેલિયા vs ઇંગ્લેન્ડ, એજબેસ્ટન 1902
36 : દક્ષિણ આફ્રિકા vs ઓસ્ટ્રેલિયા, મેલબોર્ન 1932
38 : આયર્લેન્ડ vs ઇંગ્લેન્ડ, લોર્ડ્સ 2019*