07 February, 2020 04:17 PM IST | Mumbai Desk
ઇન્ડિયાના કે. એલ. રાહુલની હાલમાં સાઉથ આફ્રિકાના એ. બી. ડિવિલિયર્સ સાથે સરખામણી થઈ રહી છે. ન્યુ ઝીલૅન્ડ સામેની પહેલી વન-ડે ભારત ભલે હારી ગયું હોય, પરંતુ રાહુલનાં ખૂબ વખાણ થયાં હતાં. તેણે ૬૪ બૉલમાં ૮૮ રન કર્યા હતા, જેમાં ૪ ચોગ્ગા અને ૬ સિક્સરનો સમાવેશ હતો. તેણે જિમી નીશામને રિવર્સ સ્કૂપ સિક્સર ફટકારી હતી. આ શૉટને લઈને તેની સોશ્યલ મીડિયા પર ખૂબ તારીફ થઈ રહી છે. તેનું નામ ૩૬૦ ડિગ્રીમાં રમી શકનાર પ્લેયર્સમાં લેવાઈ રહ્યું છે. અત્યાર સુધી ૩૬૦ ડિગ્રી રમનાર પ્લેયરમાં ડિવિલિયર્સનું નામ હતું. જોકે હવે એમાં રાહુલનું નામ પણ જોડાઈ ગયું હોવાથી તેની સરખામણી થઈ રહી છે.