12 March, 2019 10:33 AM IST |
મિલિટરી-કૅપમાં વિરાટ અને ધોની
ICCએ કહ્યું હતું કે ભારતને ઑસ્ટ્રેલિયા સામેની ત્રીજી વન-ડે મૅચમાં દેશના લશ્કરના જવાનો માટે આભારની લાગણી વ્યક્ત કરવા સૈનિકો જેવી ટોપી (મિલિટરી-કૅપ) પહેરવાની મંજૂરી આપવામાં આવી હતી. પાકિસ્તાને આની સામે વાંધો ઉઠાવ્યો હતો. રાંચીમાં ૮ માર્ચે રમાયેલી સિરીઝની ત્રીજી વન-ડેમાં ભારતીય ટીમે પુલવામામાં થયેલા આતંકવાદી હુમલામાં શહીદ CRPFના જવાનોના સન્માનમાં મિલિટરી-કૅપ પહેરી હતી તેમ જ પોતાની મૅચ-ફી નૅશલન ડિફેન્સ ફન્ડમાં આપી હતી.
ICCના અધિકારીએ કહ્યું હતું કે ‘ભારતીય ક્રિકેટ બોર્ડે નાણાં ભેગાં કરવા તથા શહીદ સૈનિકોની યાદમાં કૅપ પહેરવાની મંજૂરી માગી અને એ આપવામાં આવી હતી.’ પાકિસ્તાને આની સામે વાંધો ઉઠાવી ભારત સામે કાર્યવાહી કરવાની માગણી કરી હતી.
આ પણ વાંચો: રિષભ પંતની ધોની સાથે સરખામણી યોગ્ય નહીં: શિખર ધવન
પાકિસ્તાન ક્રિકેટ બોર્ડના અધ્યક્ષ અહેસાન મનીએ કહ્યું હતું કે ‘ભારતે કોઈ અલગ હેતુ માટે ICC પાસે પરવાનગી માગી અને એનો ઉપયોગ બીજા ઉદ્દેશ માટે કર્યો જે સ્વીકાર્ય નથી.’