01 May, 2020 06:04 PM IST | Mumbai Desk | Agencies
એબી ડિવિલિયર્સ
સાઉથ આફ્રિકાના ભૂતપૂર્વ કૅપ્ટન એબી ડિવિલિયર્સનું કહેવું છે કે હાલના સમયમાં હું કોઈ પણ ક્રિકેટ માટે કમિટેડ નથી. કોરોના વાઇરસને કારણે ક્રિકેટનું શું થશે એ કંઈ નક્કી નથી અને એથી જ હું અત્યારે કોઈ પ્રકારનું કમિટમેન્ટ આપવા નથી માગતો. આ વિશે ડિવિલિયર્સે કહ્યું કે ‘કોરોના વાઇરસને લીધે આવતા ૧૨ મહિના સુધી ક્રિકેટનું શેડ્યુલ ડામાડોળ છે. એ મહાબીમારીને કારણે જ હું હમણાં કોઈ કમિટમેન્ટ આપવા નથી માગતો. મારે ક્રિકેટ પર ધ્યાન આપવું છે, પણ આવતા ૧૨ મહિનાનાં શેડ્યુલ હજી સુધી નક્કી નથી. ટી૨૦ વર્લ્ડ કપના શેડ્યુલ માટે પણ ફેરફાર થઈ શકે છે છતાં હું એ બાબતે કોઈ પણ વિશેષ ટિપ્પણી કરવા માગતો નથી.’
ક્રિકેટજગતમાંથી સંન્યાસ લઈ ચૂકેલો આ પ્લેયર ફરી પાછો ક્રિકેટમાં આવવાના પ્રયાસ કરી રહ્યો છે. ટીમના કોચ માર્ક બાઉચર અને ડિરેક્ટર ગ્રેમ સ્મિથ સાથે પણ તેની ચર્ચા ચાલી રહી છે. જોકે ડિવિલિયર્સે આશા વ્યક્ત કરી છે કે નજીકના સમયમાં બધું વ્યવસ્થિત થઈ જશે.