31 December, 2020 04:39 PM IST | Mumbai | Gujarati Mid-day Correspondent
કાયરન પોલાર્ડ
બંગલા દેશ સામેની આગામી ટૂરમાં વેસ્ટ ઇન્ડીઝના ટેસ્ટ અને લિમિટેડ ઓવરના કૅપ્ટનો જેશન હોલ્ડર અને કાયરન પોલાર્ડ બન્ને હટી ગયા હતા. કોરોનાના ડરને લીધે આ બન્ને દિગ્ગજો ઉપરાંત બીજા ખસી ગયેલા ખેલાડીઓમાં ડૅરેન બ્રાવો, શમરાહ બ્રુક્સ, શેલ્ડન કૉટ્રેલ, ઇવરિન લેવીસ, શાય હૉપ, શિમરોન હેટ્માયર, નિકોલસ પૂરનનો પણ સમાવેશ હતો. હોલ્ડરની ગેરહાજરીમાં ટેસ્ટ ટીમનો કૅપ્ટન ક્રેગ બ્રેથવેઇટ તથા પોલાર્ડની જગ્યાએ વન-ડે ટીમનો કૅપ્ટન જેશન મોહમ્મદને બનાવવામાં આવ્યો છે. મોહમ્મદ વેસ્ટ ઇન્ડીઝ વતી છેલ્લે ૨૦૧૮માં રમ્યો હતો.