રશિયા સામે યુદ્ધ લડવા યુક્રેન પૉર્નોગ્રાફીને કાયદેસર બનાવીને ભંડોળ એકઠું કરશે

રશિયા સામેના યુદ્ધ વચ્ચે યુક્રેનની સંસદમાં પોર્નોગ્રાફીના ઉત્પાદન અને વિતરણને કાયદેસર બનાવવાનો ખરડો રજૂ થયો છે. સમર્થકોનું માનવું છે કે તેનાથી સરકારને મોટી કર આવક મળી શકે છે.

યુક્રેન

રશિયા સામેના યુદ્ધમાં લશ્કરી ભંડોળ એકઠું કરવા માટે યુક્રેન હવે એક વિચિત્ર રસ્તો અપનાવી રહ્યું છે. યુક્રેનની સંસદમાં પૉર્નોગ્રાફીના ઉત્પાદન અને વિતરણને કાયદેસર બનાવતો ખરડો રજૂ કરવામાં આવ્યો હતો. આ કાયદો પસાર થવાથી સોવિયેત યુગનો પ્રતિબંધ દૂર થશે અને આખી ઍડલ્ટ-ઇન્ડસ્ટ્રી સત્તાવાર ટૅક્સ-સિસ્ટમ હેઠળ આવશે. આ નિર્ણયથી પોલીસ દ્વારા દર મહિને સ્થાનિક સ્ટુડિયોઝ પાસેથી લેવાતી હપ્તાવસૂલી પણ અટકશે.
આ ખરડાના સમર્થકોના અંદાજ મુજબ આ ક્ષેત્રમાંથી દર વર્ષે ૨૩૭.૫ કરોડ રૂપિયાની ટૅક્સ-આવક થઈ શકે છે. આ રકમથી યુક્રેનિયન સેના માટે ૩૦,૦૦૦ જેટલા ડ્રોન ખરીદી શકાશે.