29 February, 2020 07:45 AM IST | Australia
પોપટ
ઑસ્ટ્રેલિયાના બ્રિસ્બેનમાં પાળેલા પોપટની પાંખો એના માલિકે કાપી નાખ્યા પછી અપંગ બનેલા પોપટને એક વેટરનરી ડૉક્ટરે પ્રોસ્થેટિક પાંખો લગાડી હતી. હાથ-પગ જેવાં પ્રોસ્થેટિક અંગો વડે માણસો કામકાજ કરતા થયા હોવાનું આપણે જાણીએ છીએ, પરંતુ પશુ-પંખીઓ માટે આવી ઘટના ભાગ્યે જ બને છે.
૩૧ વર્ષનાં વેટરનરી ડૉક્ટર કૅથરિન અપુલીએ જણાવ્યું હતું કે ‘વેઇ વેઇ નામના પોપટની પાંખો કાપી નાખવાને કારણે ઊડવાની ક્ષમતા ગુમાવી દેવા ઉપરાંત એ વારંવાર ગબડી પડતો હતો અને એની પીડા અસહ્ય બની હતી. પાળેલાં પક્ષીઓ ઘરમાં ઊડીને છત અથવા દીવાલ સાથે અથડાઈને ઇજા ન પામે એ માટે એની પાંખો ચોંટાડી દેવામાં આવે છે અને ક્યારેક થોડી કાપી નાખવામાં આવે છે. જોકે એને કારણે પંખીઓની માનસિક અને શારીરિક પીડા વધી જાય છે. એ બાબત તરફ માલિકો ધ્યાન આપતા નથી.’