08 November, 2019 11:00 AM IST | America
પોપટ
અમેરિકાના જર્સી સિટીના પરાં સેન્ટ હેલિયરની રૌજ બૌલીન સ્કૂલમાં પાળેલા સિમ નામના એક પોપટે તાજેતરમાં ૭૦મો જન્મદિવસ ઊજવ્યો હતો. ૧૯૮૮થી રંગબેરંગી ઇતિહાસ ધરાવતો એ પોપટ સ્કૂલમાં આવતાં પહેલાં એક ટૉય શૉપમાં રહેતો હતો. એ ટૉય શૉપ બંધ થતાં ૧૯૯૧માં પોપટ સ્કૂલમાં આવ્યો હતો.
સ્કૂલનાં એક છાપરાં પર આગ લાગી ત્યારે પોપટ આબાદ બચી ગયો હતો. સ્કૂલના વિદ્યાર્થીઓ એને ખવડાવવા અને પીવાનાં પાણી તેમ જ એનું પિંજરું સાફ કરવા જેવી જવાબદારીઓ નિભાવે છે. એ વિદ્યાર્થીઓએ પોપટનો ૭૦મો જન્મદિન ઊજવ્યો હતો. પિંજરામાં અને આસપાસ પોપટને શોભે એવી સજાવટ કરવામાં આવી હતી. બાળકો અને પોપટ બન્નેને ખાવામાં જલસો પડે એવો કેક અને નાસ્તો લાવવામાં આવ્યો હતો.
આ પણ વાંચો : જીવતો કરચલો કાઢવાની ગેમ મૂકવા બદલ સિંગાપોરના રેસ્ટોરાં પર પ્રાણીપ્રેમીઓની તવાઈ
સામાન્ય રીતે પોપટની આવરદા પચાસ વર્ષની હોય છે, પરંતુ આ પોપટ ૭૦ વર્ષનો થયો. સ્કૂલમાં નવા દાખલ થતા વિદ્યાર્થીઓને આ પોપટ સાથે દોસ્તી કરાવાતાં અજાણ્યા હોવાનો અહેસાસ ઝડપથી દૂર થાય છે.