18 July, 2019 09:55 AM IST | બ્રિટન
પીળું પંખી
બ્રિટનના ઍનિમલ રેસ્ક્યુ સેન્ટરે થોડાક દિવસો પહેલાં એક પીળાચટક રંગના પંખીને પકડ્યું હતું. એક યુવાનોના ગ્રુપે બકિંગહૅમશર પાસેના હાઇવે પર એક સાઇડ પર ફસાયેલી અવસ્થામાં જોયેલું. યુવાનો આ પંખીને લઈને ઍનિમલ રેસ્ક્યુ સેન્ટરમાં પહોંચ્યા. પંખી થોડુંક ઘાયલ હતું એટલે તેની સારવાર માટે હૉસ્પિટલમાં લઈ જવામાં આવ્યું. પહેલાં તો તેના રંગરૂપ અને શરીરમાંથી આવી રહેલી વિશિષ્ટ પ્રકારની ગંધ પરથી એ કયું પંખી છે એ પણ ખબર નહોતી પડતી એને કારણે બચાવદળે એને એક્ઝોટિક પંખી ગણાવ્યું હતું.
આ પણ વાંચો : આ ટીનેજરે પાળ્યાં છે એક જ બ્રીડનાં 16 ગલૂડિયાં
જોકે હૉસ્પિટલના સ્ટાફે તેને પાણીથી સાફ કર્યું તો એનો પીળો રંગ નીકળવા લાગ્યો. એ વખતે ખબર પડી આ પીળાશ તો હળદરની છે અને હકીકતમાં આ સીગલ પંખી છે. જોકે સીગલ પંખી હાઈવે પર કઈ રીતે આવી પહોંચ્યું એ વિશે કંઈ ઉજાગર નથી થયું.