07 July, 2019 09:08 AM IST | ટર્કી
ટર્કીમાં યોજાયો ૬૫૮મો વાર્ષિક ઑઇલ રેસલિંગ મહોત્સવ
શરીરે ભરપૂર તેલ ચોળીને બળિયાઓ વચ્ચે બાથંબાથી થાય એ ટર્કીની સદીઓ જૂની પરંપરા છે. પહેલવહેલી વાર ટર્કીના એડિર્ન શહેરમાં ૧૩૬૨ની સાલમાં ઑઇલ રેસલિંગની સ્પર્ધા યોજાઈ હતી. ત્યારથી લગભગ દર વર્ષે અલગ-અલગ રીતે અહીં તેલ-કુસ્તી થતી આવી છે જેને કિર્કપિનાર ઑઇલ રેસલિંગ ફેસ્ટિવલ કહેવાય છે.
આ પણ વાંચોઃ બિયરના ખાલી કૅનમાંથી કારથી લઈને પ્લેન જેવાં રમકડાં બનાવે છે આ ભાઈ
આ સ્પર્ધા દરમ્યાન સ્પર્ધકો શરીરે લિટરલી ઓલિવ ઑઇલમાં શરીર બોળીને કુસ્તી કરવા ઊતરે છે. આ અનોખા ઉત્સવમાં આ વર્ષે ૨૩૮૦ સ્પર્ધકોએ ભાગ લીધો હતો જેમાં કિશોરોથી લઈને મિડલએજ સુધીના પુરુષોનો સમાવેશ થાય છે. આ ઉત્સવમાં અંદાજે ત્રણ ટન જેટલું ઑલિવ ઑઇલ વપરાયું હતું.