14 October, 2019 08:35 AM IST | યૂકે
આવી ગયું સોનાનું ડેબિટ કાર્ડ
બ્રિટનમાં કૉઇન્સનું ઉત્પાદન કરતી સરકારી સંસ્થા રૉયલ મિન્ટ દ્વારા એક ખાસ ડેબિટ કાર્ડ લૉન્ચ કરવામાં આવ્યું છે. ૧૮ કૅરૅટ ગોલ્ડથી બનેલું આ કાર્ડ ધરાવતી વ્યક્તિને પ્રીમિયમ અકાઉન્ટ્સ ફૅસિલિટી મળશે અને એમાં ફૉરેન એક્સચેન્જ અને ટ્રાન્ઝેક્શન ફીઝ શૂન્ય થઈ જશે. જોકે આ કાર્ડ ખરીદવા માટે સાધારણ માણસે પોતાનું બૅન્ક અકાઉન્ટ ખાલી કરી દેવું પડે એમ છે. એની કિંમત છે ૧૮,૭૫૦ પાઉન્ડ્સ એટલે કે આશરે ૧૬.૮૫ લાખ રૂપિયા. આ કાર્ડ પર્સનલાઇઝ્ડ હશે. એની પર અકાઉન્ટધારકનું નામ અને સહી પણ અંકિત કરેલી હશે.