17 May, 2019 09:40 AM IST | કેલિફોર્નિયા
અમેરિકાના કૅલિફૉર્નિયામાં ક્લેચ કૉફી રોસ્ટર્સ નામની કૉફી શૉપમાં કૉફીનો એક મગ ૭૫ ડૉલર એટલે કે લગભગ ૫૭૫૦ રૂપિયામાં વેચાય છે. કંપનીએ થોડા સમય પહેલાં સૅન ફ્રાન્સિસ્કોમાં આ કૉફીનું ટેસ્ટિંગ લોકો માટે ખુલ્લું મૂક્યું હતું. માત્ર એક કપ કૉફી સાડાપાંચ હજારથીયે વધુ મોંઘી હોવાનું કારણ એ છે કે એમાં વપરાયેલાં બીન્સ ખાસ પનામાથી આયાત કરવામાં આવ્યાં છે. ખાસ જંગલી બિલાડીને ખવડાવેલાં આ કૉફી બીન્સ છે. મોટા ભાગે બિલાડી કૉફીનાં બીજ અધકચરાં ખાઈને મળમાં કાઢી નાખે છે. મળમાં નીકળેલાં બીન્સને વીણી, સૂકવીને પ્રોસેસ કરીને આ ખાસ કૉફી બની છે જેને કૉપી લુઆક કૉફી કહેવાય છે. પનામામાં તાજેતરમાં ઘણા વખત પછી આ કૉફીનો માત્ર ૫૦ કિલો જેટલો માલ તૈયાર થયેલો જે બધો આ કંપનીએ ખરીદી લીધો છે અને એમાંથી એક-એક મગ સોનાના ભાવે કૉફી વેચાય છે.
આ પણ વાંચોઃ ફ્રાંસઃ778 કરોડમાં વેચાયું એક ઓઈલ પેઈન્ટિંગ