કરડે એવી ભાજી ખાવાની સ્પર્ધામાં 72 વર્ષના દાદા 58 ફુટ ભાજી ઝાપટી ગયા

કરડે એવી ભાજી ખાવાની સ્પર્ધામાં 72 વર્ષના દાદા 58 ફુટ ભાજી ઝાપટી ગયા

બ્રિટનમાં દર વર્ષે વર્લ્ડ સ્ટિન્ગિંગ નેટલ ચૅમ્પિયનશિપ યોજાય છે. આ સ્પર્ધામાં નેટલ એટલે કે કવચ તરીકે જાણીતી ગળામાં કરડે એવી વનસ્પતિ ખાવાની હોય છે. જે વ્યક્તિ એક કલાકમાં સૌથી વધુ આ વનસ્પતિનાં પાંદડાં ખાઈ જાય એ વિજેતા બને. આ માટે બે-બે ફૂટના કટકા કરીને તૈયાર રાખવામાં આવેલા હોય છે.

આ વનસ્પતિ મોંમાં જતાં જ કરડતી હોવાથી એને ગળામાં ઉતારવી મુશ્કેલ હોય છે. જોકે સ્પર્ધકો એને અંદર ઉતારવા માટે સાથે પાણી, પેર અને ઍપલ સિડરનો જૂસ કે અન્ય ચીજો ગટગટાવી શકે છે. આ વર્ષે પુરુષોની કૅટેગરીમાં ૭૧ વર્ષના ટૉની જેયસ એક કલાકમાં બે ફુટની ૨૯ ડાળખીઓ એટલે કે ૫૮ ફુટ ભાજી ઝાપટીને ચૅમ્પિયન બન્યા હતા.

આ પણ વાંચો : બાલ્કનીમાં લટકતા ૩ વર્ષના બાળકને પાડોશીઓએ ચાદરમાં ઝીલીને બચાવી લીધું

બીજી તરફ મહિલાઓની કૅટેગરીમાં ૬૭ વર્ષનાં લિન્ડી રોજર્સે ૨૩ ડાળખીઓ ખાધી હતી. છેલ્લાં ત્રણ વર્ષથી ૫૦-૫૨ ડાળખીઓ ખાવાનો રેકૉર્ડ ધરાવતા ફિલ થ્રોમે આ વખતે ભાગ લીધો ન હોવાથી નવા ચૅમ્પિયનને મોકો મળ્યો હતો.