08 August, 2019 09:34 AM IST | બિહાર
નૅનો કારને હેલિકૉપ્ટર બનાવી દીધી
બિહારના છપરા ગામમાં રહેતો મિથિલેશ પ્રસાદ નાનપણથી જ પાયલટ બનવાના સપનાં જોતો હતો. સંજોગોવશાત તે પાયલટ તો ન બની શક્યો, પણ તેણે પોતાના એ સપનાંને એમ જ ઢબૂરાવા ન દીધું. તેણે પોતાની તાતા નૅનો કારની કાયાપલટ કરીને એને હેલિકૉપ્ટર જેવી બનાવી દીધી છે. એ માટે તેણે કારની ઉપર પાંખિયા લગાવ્યા છે અને આગળ-પાછળના લુકને પણ હેલિકૉપ્ટર જેવો બનાવ્યો છે. આગળથી ચાંચ નીકળતી હોય એવો ભાગ પણ છે અને પાછળ હેલિકૉપ્ટરની પૂંછડી જેવા પાંખિયા પણ છે. માત્ર બહારથી જ કારની સિકલ નથી બદલવામાં આવી, પણ અંદરથી પણ ઇન્ટીરિયર ચેન્જ કર્યું છે. કારની અંદર એવાં બટન્સ લગાવેલા છે જેવા હેલિકૉપ્ટરમાં હોય.
આ પણ વાંચો : રોમૅન્ટિક કિસમાં યુગલ એવું ખોવાઈ ગયું કે 50 ફુટ ઊંચા બ્રિજ પરથી પડીને મોતને ભેટ્યું
ગાડી પણ બટન દબાવવાથી ચાલુ થાય અને ચાલુ થતાં જ માથે પાંખિયાં ફરવા લાગે છે. અલબત્ત, આટલીબધી મહેનત પછી પણ આ કાર હેલિકૉપ્ટરની જેમ ઊડી નથી શકતી, પણ રોડ પર ચાલતી કારમાં પણ મિથિલેશને હેલિકૉપ્ટર જેવી મજા આવે છે અને લોકોને આવી અનોખી કાર જોઈને મજા પડે છે.