ટ્રેઇનિંગ લઈ રહેલો ઉમેદવાર દિવ્યાંગ બને તો શું સરકાર તેને ભૂતપૂર્વ સૈનિક માનશે?

આ મુદ્દે કેન્દ્ર સરકારનું પ્રતિનિધિત્વ કરતા ઍડિશનલ સૉલિસિટર જનરલ એન. વેન્કટરામને ખાતરી આપી હતી કે આ બાબતે વ્યાપક ઉત્તર આપવામાં આવશે. 

સુપ્રીમ કોર્ટ

સુપ્રીમ કોર્ટે કેન્દ્ર સરકારને પૂછ્યું છે કે શું સેનામાં પસંદગી પામ્યા બાદ તાલીમ દરમ્યાન ઘાયલ અથવા દિવ્યાંગ બનેલા લશ્કરી કૅડેટ્સને ભૂતપૂર્વ સૈનિકોનો દરજ્જો આપી શકાય અને સરકારી નોકરીઓમાં તેને અનામતનો લાભ આપી શકાય? સુપ્રીમ કોર્ટે આ યુવા કૅડેટ્સ સામે ઊભી થતી રોજગારની જરૂરિયાતો અને પડકારો પર ચિંતા વ્યક્ત કરી છે. કોર્ટે સરકારને આ મુદ્દાઓ પર વિગતવાર જવાબ આપવાનો નિર્દેશ આપ્યો છે. સુપ્રીમ કોર્ટ તાલીમ દરમ્યાન ઈજાઓ અથવા દિવ્યાંગતાને કારણે કૅડેટ્સને આવતી મુશ્કેલીઓ સાથે સંબંધિત આ મામલાની સુઓ મોટો સુનાવણી કરી રહી છે.

સુનાવણી દરમ્યાન જસ્ટિસ બી. વી. નાગરત્ના અને ઉજ્જલ ભુયાનની બેન્ચે નોંધ્યું હતું કે ‘મોટા ભાગના લશ્કરી કૅડેટ્સ ૩૦ વર્ષથી ઓછી ઉંમરના છે અને તેમને રોજગારની સખત જરૂર છે. શું તબીબી કારણસર બાકાત રાખવામાં આવેલા કૅડેટ્સ સરકારી અને અર્ધ-પ્રતિષ્ઠિત હોદ્દાઓમાં અનામતનો લાભ મેળવી શકે?’ આ મુદ્દે કેન્દ્ર સરકારનું પ્રતિનિધિત્વ કરતા ઍડિશનલ સૉલિસિટર જનરલ એન. વેન્કટરામને ખાતરી આપી હતી કે આ બાબતે વ્યાપક ઉત્તર આપવામાં આવશે. 

૫૦૦ કૅડેટ્સની સમસ્યા

૧૯૮૫થી લગભગ ૫૦૦ કૅડેટ્સને વિવિધ ડિગ્રીની વિકલાંગતાને કારણે તાલીમમાંથી છૂટા કરવામાં આવ્યા છે. આ મુદ્દા પર સુપ્રીમ કોર્ટની સક્રિયતા આ કૅડેટ્સની સમસ્યાઓને એક નવા સ્તરે લઈ ગઈ છે જેનાથી તેમના અધિકારો અને તકોનું રક્ષણ થયું છે.