29 May, 2026 12:39 PM IST | West Bengal | Gujarati Mid-day Correspondent
તૃણમૂલ કૉન્ગ્રેસની ઑફિસ નજીકની જમીનમાં દાટેલી ચલણી નોટો ભરેલી બોરીઓ લઈ જઈ રહેલા પોલીસ અધિકારીઓ.
પશ્ચિમ બંગાળમાં સુવેન્દુ અધિકારી મુખ્ય પ્રધાન બન્યા પછી તૃણમૂલ કૉન્ગ્રેસનાં કાળાં કામો પર જબરદસ્ત ઍક્શન લેવાઈ રહી છે. અપરાધીઓને પકડીને ગંજી-ચડ્ડીમાં ગામમાં ફેરવવા ઉપરાંત કાળાં નાણાંના ખજાના પર પણ ઍક્શન શરૂ થઈ ગઈ છે. બંગાળમાં પોલીસને મળેલી એક ગુપ્ત સૂચના પર ઍક્શન લેતાં બદુરિયા નગરપાલિકાની તૃણમૂલ કૉન્ગ્રેસ (TMC)ની ઑફિસની પાસેથી મોટી માત્રામાં ચલણી નોટોની બૅગો ભરેલી મળી હતી. અહીંથી મળેલી કૅશ કરોડો રૂપિયામાં હોઈ શકે છે.
આ કાર્યવાહી સરકારી રાહતસામગ્રી અને ગેરકાનૂની સંપત્તિઓ સાથે સંકળાયેલી અનિયમિતતાઓના સંદર્ભમાં ચાલી રહેલી તલાશીના ભાગરૂપે થઈ હતી. બદુરિયા નગરપાલિકાના અધ્યક્ષ દીપાંકર ભટ્ટાચાર્યની અટકાયત પછી પોલીસે આ કૅશ જપ્ત કરી હતી. પોલીસ અધિકારીઓને ૪ બોરીમાં ભરેલાં ૫૦૦ રૂપિયાની ચલણી નોટોનાં બંડલ મળી આવ્યાં હતાં.
