લૉકડાઉન દરમ્યાન જયપુરની ખાલી સડકો પર હરણોનું ઝુંડ ફરવા નીકળ્યું

લૉકડાઉન દરમ્યાન જયપુરની ખાલી સડકો પર હરણોનું ઝુંડ ફરવા નીકળ્યું

સમગ્ર દેશમાં લૉકડાઉન જાહેર કરાયું છે. રસ્તાઓ સૂમસામ અને નિર્જન છે. વાહનોનો શોર કે પ્રદૂષણ ગુમ છે. પ્રકૃતિ સાથે ચેડાં કરનાર માનવને કુદરતે એની ભાષામાં જવાબ આપી દીધો છે. જંગલ કાપીને કૉન્ક્રીટનું જંગલ ઊભું કરનારા માનવો આજે પોતાના જ બનાવેલા જંગલમાં કેદ છે, જ્યારે જંગલમાં વસતાં પ્રાણીઓ ફૉર અ ચેન્જ શહેરની ગલીઓમાં લટાર મારતાં જોવા મળે છે. શુક્રવારે રાત્રે જયપુરને અડીને આવેલા જાલનામાં હરણોનું એક ઝુંડ જંગલમાંથી નીકળીને ગલતાગેટ પાસે સૂરજપોલ મંડી તરફના રસ્તા પર ટહેલતું જોવા મળ્યું હતું. પોલીસે હરણાંઓને ફરી જંગલમાં ખદેડ્યાં હતાં.