06 February, 2026 08:58 AM IST | Delhi | Gujarati Mid-day Correspondent
ગઈ કાલે દિલ્હીમાં જોવા મળેલી ‘ભારત ટૅક્સી’ની કૅબ.
‘ભારત ટૅક્સી’ દુનિયાની સૌથી મોટી કૉ-ઑપરેટિવ કૅબ-સર્વિસ છે જેને દેશની ૮ મોટી સહકારી સંસ્થાઓના સહયોગથી ઑપરેટ કરવામાં આવશે. આ સર્વિસની ‘ભારત ટૅક્સી ઍપ’ ગઈ કાલે ગૃહપ્રધાન અમિત શાહે લૉન્ચ કરી હતી. બે મહિનાની સફળ પાઇલટ-રન પછી હવે આ ઍપ દિલ્હી-NCR અને ગુજરાતમાં શરૂ થઈ ગઈ છે. આગામી ૩ વર્ષમાં આ સર્વિસ દેશનાં તમામ રાજ્યો અને કેન્દ્રશાસિત પ્રદેશોમાં વિસ્તારવામાં આવશે. લૉન્ચ પ્રસંગે અમિત શાહે કહ્યું હતું કે ‘૩ વર્ષમાં ભારત ટૅક્સી આખા દેશમાં કાશ્મીરથી કન્યાકુમારી અને દ્વારકાથી કામાખ્યા સુધી શરૂ થઈ જશે. આ સહકારી ટૅક્સીની પહેલ શરૂ થઈ ત્યારે અંદાજ પણ નહોતો કે એ આટલા મોટા પાયે શક્ય બનશે. એમાં ટૅક્સી-ડ્રાઇવરોને જ ફાયદો થશે. આ સર્વિસથી થતો નફો ભારત ટૅક્સી સાથે જોડાયેલા ડ્રાઇવરોમાં જ શૅર કરવામાં આવશે. આ ઍપ યુઝર્સને કાર, થ્રી-વ્હીલર અને ટૂ-વ્હીલર બુક કરવાની સુવિધા આપશે.’ આ સુવિધાથી ઉબર, ઓલા અને રૅપિડો જેવાં પ્રાઇવેટ પ્લૅટફૉર્મ્સ સાથે કૉમ્પિટિશન વધશે.
