દેશમાં કોરોનાના નવા 51667 કેસો નોંધાયા, સંક્રમણમાં મહારાષ્ટ્ર વિશ્વમાં ચોથા નંબર પર

દેશમાં કોરોનાના નવા 51667 કેસો નોંધાયા છે. જ્યારે 1329 લોકોના કોરોનાને કારણે મોત થયા છે.

પ્રતીકાત્મક તસવીર

દેશમાં કોરોના વાયરસના દૈનિક કેસો હજી પણ 50 હજારથી ઉપર છે. છેલ્લા 24 કલાકમાં દેશમાં કોરોના વાયરસના 51667 નવા કેસ નોંધાયા છે અને આ સમય દરમિયાન 1329 દર્દીઓએ પોતાનો જીવ ગુમાવ્યો છે. છેલ્લા 24 કલાકમાં 64527 દર્દીઓએ કોરોનાને હરાવ્યાં છે.

છેલ્લા 24 કલાકમાં, દેશમાં કોરોના વાયરસની 60,73,912 રસી આપવામાં આવી હતી, જે પછી કુલ રસીકરણનો આંકડો 30,79,48,744 હતો. ઈન્ડિયન કાઉન્સિલ ઓફ મેડિકલ રિસર્ચે માહિતી આપી હતી કે છેલ્લા 24 કલાકમાં દેશમાં 17,35,781 લોકોના કોરોના ટેસ્ટ કરવામાં આવ્યાં છે. અત્યાર સુધીમાં 39,95,68,448 લોકોના કોરોના ટેસ્ટ કરવામાં આવી ચુક્યા છે.  

25 જુનના રોજ કોરોનાના આંકડા

છેલ્લા 24 કલાકમાં કુલ નવા કેસ આવ્યા:  51,667
છેલ્લા 24 કલાકમાં કુલ સાજા થયા: 64,527 
છેલ્લા 24 કલાકમાં કુલ મૃત્યુ: 1,329 
અત્યાર સુધીમાં કુલ કેસ: 3,01,34,445
અત્યાર સુધીમાં કુલ સાજા થયેલા કેસ : 2,91,28,267  
અત્યાર સુધીમાં કુલ મૃત્યુ:  3,93,310  

મહારાષ્ટ્રમાં  ગુરૂવારે 9844  કોરોનાના નવા કેસ નોંધાયા છે.  રાજ્યમાં કોરોનાના કુલ કેસોની સંખ્યા 60 લાખને પાર પહોંચી છે. આ સાથે જ મહારાષ્ટ્ર વિશ્વમાં કોરોના કેસ મામલે 4 નંબર પર પહોંચી ગયુ છે.     મુખ્યપ્રધાન ઉદ્ધવ ઠાકરેએ આરોગ્ય અધિકારીઓને રાજ્યના સાત જિલ્લાઓ પર ધ્યાન કેન્દ્રિત કરવા જણાવ્યું હતું જ્યાં કોરોના વાયરસના ચેપના કેસોની તુલનામાં વધુ પ્રમાણમાં છે. ઠાકરેએ કહ્યું કે આવા જિલ્લાઓમાં પરીક્ષણો અને રસીકરણની સંખ્યામાં વધારો થવો જોઇએ. ઠાકરેએ એ પણ સ્પષ્ટ કર્યું હતું કે પ્રતિબંધોને હળવા કરવામાં કોઈ ઘસારો ન થવો જોઈએ અને વાયરસના ફેલાવાને ધ્યાનમાં રાખીને સ્થાનિક વહીવટીતંત્રે બેદરકારી દાખવી ન જોઈએ. રાયગઢ, રત્નાગિરી, સિંધુદુર્ગ, સાતારા, સાંગલી, કોલ્હાપુર અને હિંગોલી જિલ્લામાં ચેપના વધુ કેસો નોંધાયા છે.