03 January, 2021 11:00 AM IST | Mumbai | Gujarati Mid-day Correspondent
ફાઈલ તસવીર
રાજ્યમાં છેલ્લા ૨૪ કલાકમાં ૩૦૦૦ કરતાં વધુ કેસ નોંધાયા છે, જેમાંથી ૫૦૦ કરતાં વધુ કેસ મુંબઈના હોવાનું જણાવતાં બીએમસીએ પોતે રસીકરણ માટે તૈયાર હોવાનું કહ્યું છે. બીએમસીના ઍડિશનલ મ્યુનિસિપલ કમિશનર સુરેશ કાકાણીએ સેન્ટ્રલ સ્ટોરેજ કૅપેસિટી તરીકે વિકસાવવામાં આવી રહેલી ભાંડુપની જગ્યાની મુલાકાત લીધી હતી તથા ત્યાં કરવામાં આવી રહેલા સ્ટૉકના કામનું નિરીક્ષણ કર્યું હતું. રસી ઉપલબ્ધ કરવામાં આવશે એના ૨૪ કલાકમાં રસીકરણની ઝુંબેશ શરૂ કરવામાં આવશે, એમ તેઓએ જણાવ્યું હતું.
રાજ્યમાં છેલ્લા ૨૪ કલાકમાં ૩૨૧૮ નવા કેસ નોંધાવા સાથે રાજ્યમાં કુલ કેસનો આંકડો ૧૯.૩૮ લાખ પર પહોંચ્યો છે. એક દિવસમાં ૫૧ મૃત્યુ સાથે મરણાંક ૪૯,૬૩૧ પર પહોંચ્યો છે. જોકે મુંબઈ શહેરમાં ૨૪ કલાકમાં ૫૯૩ નવા કેસ નોંધાયા છે, જેમાંથી એમએમઆરના થાણે, નવી મુંબઈ અને કલ્યાણ-ડોમ્બિવલી મહાનગરપાલિકામાં અનુક્રમે ૧૦૩, ૮૩ અને ૮૮ કેસ નોંધાયા હતા.