મુંબઈમાં વૉટર મેટ્રો પ્રોજેક્ટ વધારાના ૨૧૫ કિલોમીટર લંબાવવામાં આવશે- ૬૫૦૦ કરોડના ખર્ચે ૨૪ ટર્મિનલ બનશે

પ્રોજેક્ટ માટે જરૂરી બોટ ફક્ત લોકલ શિપયાર્ડમાં જ બનાવવામાં આવે એની ખાતરી કરવા માટે નિર્દેશ આપવામાં આવ્યા છે.

દેવેન્દ્ર ફડણવીસ

મુખ્ય પ્રધાન દેવેન્દ્ર ફડણવીસે મુંબઈમાં વૉટર મેટ્રો પ્રોજેક્ટ વિશે એક મહત્ત્વપૂર્ણ બેઠક યોજી હતી જેમાં શહેરના વૉટર ટ્રાન્સપોર્ટ નેટવર્કને વિસ્તૃત કરવાનો નિર્ણય લેવામાં આવ્યો હતો. હાલમાં વૉટર ટ્રાન્સપોર્ટ ૧૨૫ કિલોમીટરના અંતરને આવરી લે છે જેને વધારાના ૨૧૫ કિલોમીટર રૂટ પર કાર્યરત કરવાની યોજના છે. આ પ્રોજેક્ટ હેઠળ ૧૧ નવા રૂટ પર ૨૪ ટર્મિનલ બનાવવામાં આવશે. પ્રોજેક્ટનો અંદાજે ખર્ચ ૬૫૦૦ કરોડ રૂપિયા છે. ત્રણ તબક્કામાં પ્રોજેક્ટ અમલમાં મૂકવામાં આવશે. વૉટર ટ્રાન્સપોર્ટ પ્રોજેક્ટની દેખરેખ માટે કમાન્ડ અને કન્ટ્રોલ સેન્ટર ઊભું કરવાનો નિર્ણય લેવામાં આવ્યો છે. પ્રોજેક્ટ માટે જરૂરી બોટ ફક્ત લોકલ શિપયાર્ડમાં જ બનાવવામાં આવે એની ખાતરી કરવા માટે નિર્દેશ આપવામાં આવ્યા છે.