IIT બૉમ્બેમાં વિદ્યાર્થીંની આત્મહત્યા:ફોન પર વાત કરતા છોકરાએ કર્યો ઘટનાનો ખુલાસો

Student in IIT Bombay Commits Suicide: મુંબઈમાં શુક્રવાર અને શનિવારની રાત્રે એક વિદ્યાર્થીએ આત્મહત્યા કરી લીધી. મૃતક વિદ્યાર્થી IIT બૉમ્બેમાં અભ્યાસ કરતો હતો અને તેણે હૉસ્ટૅલની છત પરથી કૂદીને આત્મહત્યા કરી હતી. તે મેટા સાયન્સમાં અભ્યાસ કરતો હતો

પ્રતીકાત્મક તસવીર (સૌજન્ય: મિડ-ડે)

મહારાષ્ટ્રની રાજધાની મુંબઈમાં શુક્રવાર અને શનિવારની રાત્રે એક વિદ્યાર્થીએ આત્મહત્યા કરી લીધી. મૃતક વિદ્યાર્થી IIT બૉમ્બેમાં અભ્યાસ કરતો હતો અને તેણે હૉસ્ટૅલની છત પરથી કૂદીને આત્મહત્યા કરી હતી. મૃતક છોકરો મેટા સાયન્સના ચોથા વર્ષમાં અભ્યાસ કરતો હતો, તેની ઉંમર 26 વર્ષ હતી. આ ઘટના રાત્રે 2.30 વાગ્યાની આસપાસ બની હોવાનું કહેવાય છે. પવઈ પોલીસના જણાવ્યા અનુસાર, વિદ્યાર્થીએ હૉસ્ટૅલની છત પરથી કૂદી પડ્યો હતો. ઘટના બાદ તરત જ તેને નજીકની હૉસ્પિટલમાં લઈ જવામાં આવ્યો, જ્યાં ડૉક્ટરોએ તેને મૃત જાહેર કર્યો. મૃતક વિદ્યાર્થીના પરિવાર અને મિત્રો સાથે પણ વાત કરવામાં આવી રહી છે, જેથી આત્મહત્યાના કારણો શોધી શકાય.

ઘટના બની ત્યારે હૉસ્ટૅલમાં રહેતો બીજો વિદ્યાર્થી ટેરેસ પર મોબાઈલ પર વાત કરી રહ્યો હતો 
IIT બૉમ્બેના વિદ્યાર્થીની ઓળખ રોહિત સિંહા તરીકે થઈ છે, જે દિલ્હીનો રહેવાસી હતો. પોલીસ અધિકારીએ જણાવ્યું કે જ્યારે આ ઘટના બની ત્યારે હૉસ્ટૅલમાં રહેતો બીજો વિદ્યાર્થી ટેરેસ પર મોબાઈલ પર વાત કરી રહ્યો હતો અને તે સમયે રોહિત કૂદી પડ્યો. તેને તાત્કાલિક નજીકની હૉસ્પિટલમાં લઈ જવામાં આવ્યો, જ્યાં ડૉક્ટરોએ તેને મૃત જાહેર કર્યો. આ કેસમાં પવઈ પોલીસ સ્ટેશનમાં ADR નોંધવામાં આવ્યો છે અને તપાસ ચાલી રહી છે.

સુસાઈડ નોટ મળી નથી
પોલીસને વિદ્યાર્થી પાસેથી કોઈ સુસાઈડ નોટ મળી નથી. આવી સ્થિતિમાં, પોલીસ આત્મહત્યાનું કારણ જાણવાનો પ્રયાસ કરી રહી છે. મૃતકનો મોબાઈલ ફોન શોધવામાં આવી રહ્યો છે. સોશિયલ મીડિયા પર તેના વિશે તપાસ કરીને આત્મહત્યાના કારણો શોધવાનો પણ પ્રયાસ કરવામાં આવી રહ્યો છે. પોલીસે મૃતદેહને પોસ્ટમોર્ટમ માટે મોકલી આપ્યો છે. મૃતક વિદ્યાર્થીના પરિવાર અને મિત્રો સાથે પણ વાત કરવામાં આવી રહી છે, જેથી આત્મહત્યાના કારણો શોધી શકાય.

૨૦૨૪ થી અત્યાર સુધીમાં ૧૩ IIT વિદ્યાર્થીઓએ આત્મહત્યા કરી છે
જાન્યુઆરી ૨૦૨૪ થી ઑગસ્ટ ૨૦૨૫ સુધીમાં ઇન્ડિયન ઇન્સ્ટિટ્યૂટ ઑફ ટેકનોલોજી (IIT) માં અભ્યાસ કરતા ૧૩ વિદ્યાર્થીઓએ આત્મહત્યા કરી છે. સૌથી વધુ ચાર આત્મહત્યા IIT ખડગપુરમાં થઈ હતી. ત્યારબાદ, ૧૦ સભ્યોની સમિતિની રચના કરવામાં આવી હતી, જે માનસિક સ્વાસ્થ્ય અને આત્મહત્યા નિવારણ પર ધ્યાન કેન્દ્રિત કરતી હતી. સુપ્રીમ કોર્ટે મે ૨૦૨૫ માં IIT ખડગપુર અને કોટામાં આત્મહત્યાના કેસોમાં FIR દાખલ કરવાની સ્થિતિની તપાસ કરી અને તેને એક ચિંતાજનક પેટર્ન ગણાવી. RTI ડેટા અનુસાર, ૨૦૦૫ થી ૨૦૨૪ દરમિયાન IIT માં કુલ ૧૧૫ આત્મહત્યાના કિસ્સા નોંધાયા હતા, જેમાંથી ૩૭ કેસ ૨૦૧૯-૨૦૨૪ ની વચ્ચે બન્યા હતા. ૨૦૨૪ માં, IIT એ માનસિક દબાણ ઘટાડવા માટે હાજરીના નિયમોમાં છૂટછાટ અને લાંબી રજાઓ આપવા જેવા નીતિગત સુધારા કર્યા છે.