શિવાજી પાર્કની માટીનો ઉકેલ

દાદરમાં આવેલા શિવાજી પાર્ક મેદાનમાં લાલ માટી નાખવામાં આવી છે, જેને લીધે ગ્રાઉન્ડની આસપાસમાં હવાનું પ્રદૂષણ ફેલાઈ રહ્યું હોવાની સ્થાનિક રહેવાસીઓની ફરિયાદ છે.

દાદરમાં આવેલા શિવાજી પાર્ક મેદાનમાં લાલ માટી નાખવામાં આવી છે (તસવીર : આશિષ રાજે)

દાદરમાં આવેલા શિવાજી પાર્ક મેદાનમાં લાલ માટી નાખવામાં આવી છે, જેને લીધે ગ્રાઉન્ડની આસપાસમાં હવાનું પ્રદૂષણ ફેલાઈ રહ્યું હોવાની સ્થાનિક રહેવાસીઓની ફરિયાદ છે. ચોમાસામાં આ માટી ભીની રહે છે એટલે બહુ વાંધો નથી આવતો, પણ ચોમાસા સિવાયના સમયમાં આ માટીને લીધે પ્રદૂષણ ફેલાય છે. આથી બૃહન્મુંબઈ મ્યુનિસિપલ કૉર્પારેશન (BMC) દ્વારા મેદાનમાં પાણીનો છંટકાવ કરતા વાહનને ફેરવવામાં આવી રહ્યું છે.