સગીર સાથે શારીરિક શોષણના આરોપમાં ઝડપાયેલી શિક્ષિકાને જામીન મળ્યા

Mumbai school teacher gets bail sexual abuse case: અહેવાલ મુજબ, મુંબઈની એક કોર્ટે મંગળવારે શહેરની એક પ્રખ્યાત શાળાની 40 વર્ષીય મહિલા શિક્ષિકાને જામીન આપ્યા છે, જેમને એક સગીર વિદ્યાર્થી પર અનેક વખત જાતીય હુમલો કરવાના આરોપમાં ધરપકડ કરવામાં આવી હતી.

પ્રતીકાત્મક તસવીર (સૌજન્ય: મિડ-ડે)

અહેવાલ મુજબ, મુંબઈની એક કોર્ટે મંગળવારે શહેરની એક પ્રખ્યાત શાળાની 40 વર્ષીય મહિલા શિક્ષિકાને જામીન આપ્યા છે, જેમને એક સગીર વિદ્યાર્થી પર અનેક વખત જાતીય હુમલો કરવાના આરોપમાં ધરપકડ કરવામાં આવી હતી. સ્પેશિયલ પોક્સો કોર્ટના જજ સબીના મલિકે તેમની જામીન અરજી મંજૂર કરી હતી. હજી સુધી વિગતવાર આદેશ ઉપલબ્ધ નથી.

ગયા મહિને ધરપકડ કરાયેલા શિક્ષકા પર જાતીય ગુનાઓથી બાળકોના રક્ષણ (Protection of Children from Sexual Offences) અધિનિયમ, ભારતીય ન્યાય સંહિતા (BNS) અને જુવેનાઇલ જસ્ટિસ એક્ટ હેઠળ ગુનો નોંધવામાં આવ્યો હતો.

વકીલ નીરજ યાદવ અને દીપા પૂજાની દ્વારા દાખલ કરાયેલી જામીન અરજીમાં, મહિલાએ તેના પરના આરોપોને નકારી કાઢ્યા હતા, અને દાવો કર્યો હતો કે આ કેસ છોકરાની માતાની ઉશ્કેરણીથી બનાવવામાં આવ્યો હતો, જે તેમના સંબંધનો વિરોધ કરતી હતી.

અરજીમાં જણાવાયું હતું કે છોકરાના માતા-પિતા આરોપી સાથેના તેના સંબંધથી વાકેફ હતા, જે પરિણીત છે, અને તેની વિરુદ્ધ હતા. તેમાં છોકરા સાથેની ઘણી વાતચીતનો પણ ઉલ્લેખ કરવામાં આવ્યો હતો, જેમાં ભારપૂર્વક કહેવામાં આવ્યું હતું કે FIRમાં તેના વર્તન અને શિક્ષક પ્રત્યેની "ઊંડી લાગણીઓ"ને જાણી જોઈને દબાવવામાં આવી હતી. પોલીસે દાવો કર્યો છે કે ડિસેમ્બર 2023 માં શાળાના વાર્ષિક સમારોહના સંદર્ભમાં યોજાયેલી વિવિધ મિટિંગ્સ દરમિયાન આરોપી તેના 16 વર્ષના વિદ્યાર્થી તરફ આકર્ષાઈ હતી.

તેણે જાન્યુઆરી 2024 માં કથિત રીતે પહેલી વાર જાતીય સંબંધ બાંધ્યો હતો. FIR મુજબ, શિક્ષિકા સગીરને મોંઘી હૉટૅલોમાં લઈ જતી હતી જ્યાં તેણે કથિત રીતે તેનું શોષણ કર્યું હતું. પોલીસે જણાવ્યું હતું કે વિદ્યાર્થી સાથે દુષ્કર્મ કરતાં પહેલા શિક્ષિકા તેને નશો કરાવતી હતી.

તાજેતરમાં, તેલંગાણામાં સરકારી છાત્રાલયમાં સગીર છોકરીઓને હેરાન કરવાના આરોપમાં ભૂતપૂર્વ કાઉન્સિલર સામે ગુનો નોંધવામાં આવ્યો છે. પોલીસે મંગળવારે જણાવ્યું હતું કે, સંગારેડ્ડી જિલ્લામાં સરકારી કન્યા છાત્રાલયની કેટલીક વિદ્યાર્થિનીઓ સાથે "પજવણી અને ગેરવર્તન" કરવાના આરોપમાં ભૂતપૂર્વ કાઉન્સિલર વિરુદ્ધ કેસ નોંધવામાં આવ્યો છે. તેમણે વધુમાં જણાવ્યું કે, નારાયણખેડના ભૂતપૂર્વ કાઉન્સિલર, જે હોસ્ટેલ વોર્ડનનો દીકરો છે, તેમના પર હોસ્ટેલની મુલાકાત દરમિયાન સગીર છોકરીઓ સાથે "દુષ્કર્મ" કરવાનો આરોપ મૂકવામાં આવ્યો હતો.
 
પોલીસે ઉમેર્યું કે, કેટલાક છોકરીઓ એવો પણ આરોપ લગાવ્યો હતો કે 30 વર્ષની ઉંમરનો આરોપી નશાની હાલતમાં હોસ્ટેલમાં પ્રવેશ્યો હતો અને તેમની સાથે ગેરવર્તન કર્યું હતું. તેમણે દાવો કર્યો હતો કે આ મામલો વોર્ડનના ધ્યાન પર લાવવામાં આવ્યો હોવા છતાં, "કોઈ કાર્યવાહી કરવામાં આવી ન હતી". તેના બદલે, બે હોસ્ટેલ સ્ટાફે આ મુદ્દો ઉઠાવવા બદલ તેમની સાથે ગેરવર્તન કર્યું હોવાનો આક્ષેપ કરવામાં આવ્યો હતો.

એક સહાયક બીસી કલ્યાણ અધિકારીએ હૉસ્ટૅલની મુલાકાત લીધી, તપાસ કરી અને ત્યારબાદ પોલીસમાં ફરિયાદ નોંધાવી. પોલીસ અધિકારીએ જણાવ્યું હતું કે, ફરિયાદના આધારે, ભૂતપૂર્વ કાઉન્સિલર, તેની માતા, હૉસ્ટૅલ વોર્ડન અને બે હૉસ્ટૅલ સ્ટાફ વિરુદ્ધ POCSO એક્ટ અને ભારતીય દંડ સંહિતા (IPC) ની સંબંધિત કલમો હેઠળ કેસ નોંધવામાં આવ્યો છે. પીટીઆઈના અહેવાલ મુજબ, પોલીસે ઉમેર્યું હતું કે જિલ્લા બીસી કલ્યાણ અધિકારી દ્વારા વોર્ડન અને કામદારો સામે વિભાગીય તપાસ પણ શરૂ કરવામાં આવી છે.