16 September, 2020 03:12 PM IST | Mumbai | Gujarati Mid-day Online Correspondent
પ્રતીકાત્મક સતવીર
15 વર્ષની એક છોકરીના ભાવિ પતિએ સાથે જબરદસ્તી શારીરિક સંબંધ રાખ્યા બાદ તે સ્નાન કરતી હતી તે વખતનો વીડિયો લઈને બ્લેકમેલ કરતો હતો. સુરતની આ છોકરીએ મુંબઈના મુર્તઝા વોહરા સાથે સગાઈ કરી હતી. મુર્તઝા છોકરીના વતનમાં આવતો હતો.
એક વખત મુર્તઝાએ આ છોકરી સ્નાન કરતી હતી તે વખતે વીડિયો બનાવ્યો અને ધમકી આપી કે જો તે શારીરિક સંબંધ નહીં રાખે તો વીડિયો શૅર કરશે, એટલું જ નહીં. તેણે અમૂક તસવીરો અને વીડિયો લીધા. આટલામાં મુર્તઝા શાંત પડ્યો નહીં. તેણે આ ફોટો અને વીડિયો સોશ્યલ મીડિયામાં અપલોડ કરી દીધા અને ધમકી આપી કે છોકરી તેનું નહીં માને તો તેને મારી નાખશે.
કંટાળીને આ છોકરીએ સગાઈ તોડવાની સાથે સુરતમાં પોલીસ ફરિયાદ નોંધાવી હતી. આ કેસમાં તપાસ ચાલુ છે અને આરોપીને પકડવાની પ્રક્રિયા શરૂ કરી દેવાઈ છે.