મહારાષ્ટ્રમાં હવે નહીં મળે ખુલ્લી સિગારેટ અને બીડી

મહારાષ્ટ્રમાં હવે નહીં મળે ખુલ્લી સિગારેટ અને બીડી

પ્રતીકાત્મક તસવીર

મહારાષ્ટ્ર સરકારે હવે રાજ્યમાં ખુલ્લી સિગારેટ અને બીડીના વેચાણ પર પ્રતિબંધ મૂક્યો છે. આ પ્રકારનો પ્રતિબંધ મૂકનાર તે દેશનું પહેલું રાજ્ય બન્યું છે. ગુરુવારે મહારાષ્ટ્ર રાજ્ય સરકારના સ્વાસ્થ્ય મંત્રાલયે એક નોટિફિકેશન દ્વારા પ્રતિબંધ મૂક્યો હતો. સિગારેટ અને તમાકુ અધિનિયમ ૨૦૦૩ હેઠળ પેકેટ પર આ પદાર્થના સેવનથી થતાં નુકસાનની ચેતવણી લખવી જરૂરી છે.

તાતા મેમોરિયલના કેન્સર સર્જન ડૉ. પંકજ ચતુર્વેદીના જણાવ્યા મુજબ સરકારના આ આદેશથી યુવાઓમાં તંબાકુ, સિગારેટની આદત ઓછી થશે. ખુલ્લી બીડી-સિગારેટ ન મળવાથી હવે આખું પેકેટ ખરીદવું ફરજિયાત બનશે અને આખા પેકેટ માટે રૂપિયા ન હોવાથી યુવાઓમાં આ પદાર્થના સેવનમાં ઘટાડો જોવા મળશે. ભારતમાં ૧૬થી ૧૭ વર્ષના યુવાનોમાં સૌથી વધારે સિગારેટની આદત જોવા મળે છે.