22 April, 2026 05:24 PM IST | Mumbai | Gujarati Mid-day Online Correspondent
વાયરલ વીડિયોમાંથી સ્ક્રીન શૉટ અને ગિરીશ મહાજન
મુંબઈમાં ‘મહિલા જન આક્રોશ મોરચા’ને કારણે થયેલા ટ્રાફિક જામને લઈને ભાજપના મંત્રી ગિરીશ મહાજન પર એક મહિલા ગુસ્સે થઈ હોવાનો વીડિયો સોશિયલ મીડિયા પર વાયરલ થયો હતો. ઘટનાના એક દિવસ પછી, વરિષ્ઠ નેતાએ પ્રદર્શનનો બચાવ કરતા કહ્યું કે આવા આંદોલનો દરમિયાન જનતાને કેટલીક અસુવિધા થાય છે, અને મહિલાની હતાશા સમજી શકાય તેવી છે. મીડિયા સાથે વાત કરતા, મહાજને કહ્યું કે લોકસભામાં મહિલા અનામત બિલ પસાર ન થવા પર મુંબઈમાં મહિલાઓ કૉંગ્રેસ વિરુદ્ધ પ્રદર્શન કરવા માટે મોટી સંખ્યામાં બહાર આવી હતીલ, ત્યારબાદ આ વિરોધ પ્રદર્શન કરવામાં આવ્યું હતું. તેમણે કહ્યું કે પ્રદર્શન વર્લી તરફ આગળ વધી રહ્યું હતું અને જ્યારે આટલા મોટા પાયે વિરોધ પ્રદર્શન કરવામાં આવે છે, ત્યારે સહભાગીઓ એક સ્થાનથી બીજા સ્થાન પર જતા રસ્તાઓ પર ટ્રાફિક જામ થાય છે.
મહાજને કહ્યું કે આવી પરિસ્થિતિઓ અસામાન્ય નથી અને નિર્દેશ કર્યો કે મોટા વિરોધ પ્રદર્શનો અને રૅલી દરમિયાન ટ્રાફિક જામ થાય છે. તેમના મતે, આવા સંજોગોમાં મુસાફરોને અસુવિધાનો સામનો કરવો પડે છે, અને જ્યારે મોટી ભીડ રાજકીય પ્રદર્શન માટે એકઠી થાય છે ત્યારે કામચલાઉ રસ્તા અવરોધ ટાળવા મુશ્કેલ બની જાય છે. મંત્રીએ એમ પણ કહ્યું કે તેઓ મહિલાના ગુસ્સા સાથે અસંમત નથી અને સ્વીકાર્યું કે તે મોડી પડી રહી હશે અને ટ્રાફિક જામને કારણે તેને અસુવિધા થઈ હશે. જોકે, તેમણે કહ્યું કે નારાજગી વ્યક્ત કરવાની એક યોગ્ય રીત છે અને તેમને લાગ્યું કે સંઘર્ષ દરમિયાન ઉપયોગમાં લેવાયેલી ભાષા અયોગ્ય હતી.
"આવી રૅલી રસ્તા પર નીકળે છે અને એક જગ્યાએથી બીજી જગ્યાએ જાય છે. આ રૅલીમાં વરલી તરફનો રસ્તો બંધ હતો, અને દરેક વિરોધ પ્રદર્શનમાં કેટલીક અસુવિધા સર્જાય જ છે. તેમ છતાં, ગુસ્સો વ્યક્ત કરવાની એક યોગ્ય રીત છે, અને મને લાગે છે કે મહિલાએ વપરેલી ભાષા અયોગ્ય હતી," મહાજને કહ્યું. તેમણે વધુમાં કહ્યું કે જો મહિલાને કોઈ ફરિયાદ હતી, તો તે પોલીસ સમક્ષ રજૂ કરી શકી હોત, વિરોધ માટે પહેલાથી જ પરવાનગી લેવામાં આવી હતી. મહાજને કહ્યું કે તેમણે મહિલાને કહ્યું હતું કે 10 મિનિટમાં રસ્તો ખાલી થઈ જશે અને તેની માફી પણ માગી ખાતરી આપી હતી કે ભવિષ્યમાં આવી ચિંતાઓને ધ્યાનમાં રાખવામાં આવશે. જોકે, તેમણે કહ્યું કે મહિલાએ જે રીતે પોતાનો ગુસ્સો વ્યક્ત કર્યો તે ખોટો હતો.
આ નિવેદન વાયરલ વીડિયો બાદ સામે આવ્યા બાદ આવ્યું છે. વીડિયોમાં એક મહિલાએ વિરોધ પ્રદર્શનને કારણે થયેલા વિક્ષેપ અંગે મહાજનને ઠપકો આપ્યો હતો. તેણે પ્રશ્ન કર્યો કે આવા પ્રદર્શનને વ્યસ્ત રસ્તા પર કેમ થઈ રહ્યા છે? નજીકના ખુલ્લા મેદાનનો ઉપયોગ કરો. "ખાલી મેદાનમાં તમે જે કહેવા માગો છો તે કહો, અહીંથી નીકળી જાઓ, ટ્રાફિક રોકો નહીં. ત્યાં સેંકડો લોકો રાહ જોઈ રહ્યા છે, અને ત્યાં એક ખાલી મેદાન છે," તે મંત્રીને કહેતી સાંભળાઈ રહી છે.
