ઉદ્ધવ ઠાકરેના ખાસનો રિસૉર્ટ તોડવાની શરૂઆત કરાઈ

બેનામી એવા સી કૉન્ચ રિસૉર્ટને તોડી પાડવા માટેનું કામ ગઈ કાલે શરૂ થયું હતું.

સી કૉન્ચ રિસૉર્ટ

ઉદ્ધવ ઠાકરે જૂથના શિવસેનાના વિધાનસભ્ય અનિલ પરબે રત્નાગિરિના દાપોલી ખાતે સાઈ અને સી કૉન્ચ નામના બે ગેરકાયદે રિસૉર્ટ બનાવ્યા હોવાની ફરિયાદ બીજેપીના વરિષ્ઠ નેતા કિરીટ સોમૈયાએ નોંધાવી હતી. આમાંના બેનામી એવા સી કૉન્ચ રિસૉર્ટને તોડી પાડવા માટેનું કામ ગઈ કાલે શરૂ થયું હતું. કિરીટ સોમૈયાએ ‘મિડ-ડે’ને કહ્યું હતું કે ‘આખા રિસૉર્ટને તોડવામાં અઠવાડિયું લાગશે અને અનિલ પરબના નામે છે એ સાઈ રિસૉર્ટનું તોડકામ ડિસેમ્બરના પહેલા અઠવાડિયામાં શરૂ થશે.’